मुंबई : महाराष्ट्रासह मुंबईमध्ये करोनाचा प्रसार अतिशय वेगाने होत आहे. या करोनाची लागण बॉलिवूडमधील अनेक कलाकारांना झाली आहे, यामध्ये आलिया भट्ट, परेश रावल विकी कौशल, गोविंदा, भूमी पेडणेकर, अक्षय कुमार, आमिर खान यांच्यासह अनेकांचा समावेश आहे. करोनाचा वाढत्या प्रादुर्भावामुळे राज्य सरकारने काही कठोर निर्णय घेत निर्बंध घातले आहेत. यामध्ये मास्कचा वापर अनिवार्य केला आहे. या पार्श्वभूमीवर करिना कपूर-खान हिने देखील मास्क घातलेला फोटो सोशल मीडियावर पोस्ट केला आहे. त्यात ती म्हणते, ' हा कुणाचाही प्रचार नाही. एकच सांगते तुम्ही कुणीही मास्क घातल्याशिवाय घराबाहेर पडू नका.' चाहत्यांनी तिचे आवाहन ऐकत तिला समर्थन देणा-या काँमेंट केल्या आहेत. तर काही चाहत्यांनी करिनाला तिने घातलेल्या मास्कची किंमत किती असा प्रश्न विचारला आहे. त्यामुळे करिनाने घातलेल्या मास्कचीच चर्चा मोठ्या प्रमाणावर होऊ लागली आहे.
करिनाने इन्स्टाग्रामवर पोस्ट केलेल्या फोटोमध्ये काळ्या रंगाचा मास्क घातला आहे. काही चौकस नेटक-यांनी करिनाने घातलेला मास्क नेमका कोणता आहे, याचा शोध घेतला. त्यावेळी हा मास्क LV कंपनीचा आहे. त्या साईटवर या मास्कची किंमत ३५५$ म्हणजे भारतीय रुपयांमध्ये २५ हजार ९९४ रुपये इतकी आहे!!! हा मास्क एका सिल्क पाऊचमध्ये असतो..
आता करिनाने जे आवाहन केले आहे, ते गंभीरपणे घेण्याऐवजी तिने घातलेल्या इतक्या महागड्या मास्कवरून काही नेटक-यांनी तिला उलटसुलट प्रश्न विचारायला सुरुवात केली आहे.
करीनाचे सिनेमे
करिनासाठी २०२१ हे वर्ष खूपच खास आहे. वैयक्तिक आयुष्यात तिने दुस-या मुलाला जन्म दिला आहे. तर करीअरचा विचार करता आमिर खान आणि तिची भूमिका असलेला 'लाल सिंह चड्ढा' हा सिनेमा येत्या वर्षाअखेरीस म्हणजे २५ डिसेंबर २०२१ ला रिलीज होणार आहे.
करिनाने इन्स्टाग्रामवर पोस्ट केलेल्या फोटोमध्ये काळ्या रंगाचा मास्क घातला आहे. काही चौकस नेटक-यांनी करिनाने घातलेला मास्क नेमका कोणता आहे, याचा शोध घेतला. त्यावेळी हा मास्क LV कंपनीचा आहे. त्या साईटवर या मास्कची किंमत ३५५$ म्हणजे भारतीय रुपयांमध्ये २५ हजार ९९४ रुपये इतकी आहे!!! हा मास्क एका सिल्क पाऊचमध्ये असतो..
आता करिनाने जे आवाहन केले आहे, ते गंभीरपणे घेण्याऐवजी तिने घातलेल्या इतक्या महागड्या मास्कवरून काही नेटक-यांनी तिला उलटसुलट प्रश्न विचारायला सुरुवात केली आहे.
करीनाचे सिनेमे
करिनासाठी २०२१ हे वर्ष खूपच खास आहे. वैयक्तिक आयुष्यात तिने दुस-या मुलाला जन्म दिला आहे. तर करीअरचा विचार करता आमिर खान आणि तिची भूमिका असलेला 'लाल सिंह चड्ढा' हा सिनेमा येत्या वर्षाअखेरीस म्हणजे २५ डिसेंबर २०२१ ला रिलीज होणार आहे.