ऐकावं ते नवलंच! आवडत्या अभिनेत्याला भेटण्यासाठी चाहत्याने मारली चक्क नदीत उडी, मग झालं असं...

मुंबई- बॉलिवूडमधील चाहते आवडत्या कलाकाराला भेटण्यासाठी तासनतास उभे राहतात पण दाक्षिणात्य चित्रपटसृष्टीची गोष्टीचं न्यारी आहे. साऊथ इंडस्ट्रीमध्येमध्ये सुपरस्टार रजनीकांत यांच्या वेळेस अशा घटना पाहायला मिळायच्या जेव्हा आवडत्या कलाकाराला एकदा पाहण्यासाठी चाहते जीवाची बाजी लावायला तयार असायचे. अजूनही साऊथमध्ये अभिनेत्यांची फॅन फॉलोविंग इतकी जास्त आहे की त्यांची तुलना इतर कोणत्याही इंडस्ट्रीमधील चाहत्यांशी केली जाऊ शकत नाही. अभिनेते रजनीकांत यांना तर देव मानून चाहते त्यांची पूजा करतात. आजही त्याचे करोडो चाहते आहेत. त्याशिवाय कमल हसन, चिरंजीवी, नागार्जुन, महेश बाबू, यश, किच्चा सुदीप, जुनियर एनटीआर आणि अल्लू अर्जुन यांच्यासह अनेक कलाकारांची चाहत्यांमध्ये प्रचंड क्रेझ दिसून येते. आवडत्या कलाकारासाठी चाहते जीवाशी खेळायलादेखील तयार होतात. त्याचाच एक प्रत्यय दाक्षिणात्य अभिनेता नागा चैतन्य याला आला आहे.

माझ्या लग्नासाठी आधी सलमान खानला लग्न करावं लागेल, मिका सिंगने लग्नाच्या प्रश्नावर टाकली गुगली

नागाच्या एका चाहत्याने त्याला भेटण्यासाठी हद्द पार केली आहे. त्याच्या एका फॅनचा व्हिडीओ शोषलं मीडियावर चांगलाच वायरल होत आहे. ज्यात दिसत आहे की, त्याचा चाहता नागाला भेटण्यासाठी चक्क खोल नदीत उडी मारतो. व्हिडिओमध्ये तो चाहता नागा चैतन्य सोबत फोटो काढताना देखील दिसत आहे. हा व्हिडीओ सोशल मीडियावर वायरल झाला आहे आणि त्यावर इतर चाहत्यांनी त्यांच्या प्रतिक्रिया दिल्या आहेत. काही चाहत्यांनी त्या व्यक्तीच्या धाडसाचं कौतुक केलं आहे की, कशाप्रकारे तो त्याच्या जीवाची पर्वा न करता त्याच्या आवडत्या अभिनेत्यासाठी नदीत उडी मारतो. तर दुसरीकडे काही चाहत्यांनी त्याच्या या वागण्याला चुकीचं म्हटलं आहे.


नागा चैतन्य हा दाक्षिणात्य चित्रपटसृष्टीमधील एक नावाजलेला अभिनेता आहे. तसेच, तो लोकप्रिय दाक्षिणात्य अभिनेत्री सामंता हिचा पती आहे. नागा सध्या त्याचा आगामी चित्रपट 'थँक्यू' च्या चित्रीकरणात व्यग्र आहे. या चित्रपटाचं दिग्दर्शन विक्रम कुमार करत आहेत. तसेच, नागाचा 'लव्ह स्टोरी' हा चित्रपट पुढील महिन्यात प्रदर्शित होत आहे.

आलियाचा 'गंगूबाई काठियावाडी' वादाच्या भोवऱ्यात, प्रदर्शनाआधीच चित्रपटाला विरोध