सुरज कांबळे
चित्रपट आणि सीरिज यांच्यात हल्ली वेगळे प्रयोग होताना दिसतात. यात आता मालिकांचाही समावेश होत आहे. रहस्य, थरार या विषयांवरील मालिकांना प्रेक्षकपसंती मिळू लागली आहे. भीमराव मुडे दिग्दर्शित 'तुमची मुलगी काय करते' या मालिकेत थरार रंगत असून त्यानिमित्त त्यानं मालिकेत 'वन टेक शॉट'चा प्रयोग नुकताच केला आहे.
'तुमची मुलगी काय करते' या मालिकेत भीमराव वेगवेगळे प्रयोग करत असून २-३ मिनिटांचे सीन तो वन टेक ओके करत चित्रीकरण केलं जातंय. गेल्या आठवड्यात प्रक्षेपित झालेल्या एका भागातील सहा मिनिटांचा एक प्रसंग त्यानं सलग चित्रित केला. मालिकेतील विजय भोसले या पोलिसाच्या भूमिकेत असलेला हरीश दुधाडे आणि त्याच्या वरिष्ठांच्या भूमिकेत असलेल्या मधुगंधा कुलकर्णी यांच्यातील हा प्रसंग होता. सहा मिनिटं सलग चालणाऱ्या या प्रसंगाचं चित्रीकरण तासभर चाललं. आपल्याकडील माहिती घाईत असलेल्या वरिष्ठांना कळावी म्हणून विजय गाडीत बसलेल्या त्याच्या मॅडमना गाडी सुरू असताना सर्व माहिती देतो; असा तो प्रसंग आहे.
एका ठिकाणी बसून केवळ संवादांतून माहिती पोहोचवली तर तो प्रसंग रटाळ वाटून प्रेक्षकांना त्याचा कंटाळा येऊ शकतो असा त्यामागचा विचार होता. अगदी शेवटच्या क्षणाला हा प्रसंग 'वन टेक' करायचा असं भीमरावनं ठरवलं. 'हा प्रसंग चित्रित करण्यासाठी मी सहायक दिग्दर्शक अनिरुद्ध शिंदेकडे गाडीचा ताबा दिला. अनिरुद्ध ती गाडी विशिष्ट वेगानं चालवत होता; जेणेकरून गाडीचा आवाज जास्त येणार नाही आणि ते संपूर्ण संभाषण प्रेक्षकांना नीट समजेल. चित्रित करताना कॅमेराची सेटिंग वारंवार बदलावी लागत असे. यासाठी मालिकेचे छायाचित्रकार अमित त्यागी यांनी त्यावर विशेष काम केलं', असं दिग्दर्शक भीमरावनं सांगितलं. संपूर्ण युनिट या प्रसंगासाठी गाडीच्या बरोबरच होतं. या मालिकेच्या निमित्त वास्तवदर्शी चित्रित केले गेलेले प्रसंग पुढेही बघायला मिळणार आहेत.
चित्रपट आणि सीरिज यांच्यात हल्ली वेगळे प्रयोग होताना दिसतात. यात आता मालिकांचाही समावेश होत आहे. रहस्य, थरार या विषयांवरील मालिकांना प्रेक्षकपसंती मिळू लागली आहे. भीमराव मुडे दिग्दर्शित 'तुमची मुलगी काय करते' या मालिकेत थरार रंगत असून त्यानिमित्त त्यानं मालिकेत 'वन टेक शॉट'चा प्रयोग नुकताच केला आहे.
'तुमची मुलगी काय करते' या मालिकेत भीमराव वेगवेगळे प्रयोग करत असून २-३ मिनिटांचे सीन तो वन टेक ओके करत चित्रीकरण केलं जातंय. गेल्या आठवड्यात प्रक्षेपित झालेल्या एका भागातील सहा मिनिटांचा एक प्रसंग त्यानं सलग चित्रित केला. मालिकेतील विजय भोसले या पोलिसाच्या भूमिकेत असलेला हरीश दुधाडे आणि त्याच्या वरिष्ठांच्या भूमिकेत असलेल्या मधुगंधा कुलकर्णी यांच्यातील हा प्रसंग होता. सहा मिनिटं सलग चालणाऱ्या या प्रसंगाचं चित्रीकरण तासभर चाललं. आपल्याकडील माहिती घाईत असलेल्या वरिष्ठांना कळावी म्हणून विजय गाडीत बसलेल्या त्याच्या मॅडमना गाडी सुरू असताना सर्व माहिती देतो; असा तो प्रसंग आहे.
एका ठिकाणी बसून केवळ संवादांतून माहिती पोहोचवली तर तो प्रसंग रटाळ वाटून प्रेक्षकांना त्याचा कंटाळा येऊ शकतो असा त्यामागचा विचार होता. अगदी शेवटच्या क्षणाला हा प्रसंग 'वन टेक' करायचा असं भीमरावनं ठरवलं. 'हा प्रसंग चित्रित करण्यासाठी मी सहायक दिग्दर्शक अनिरुद्ध शिंदेकडे गाडीचा ताबा दिला. अनिरुद्ध ती गाडी विशिष्ट वेगानं चालवत होता; जेणेकरून गाडीचा आवाज जास्त येणार नाही आणि ते संपूर्ण संभाषण प्रेक्षकांना नीट समजेल. चित्रित करताना कॅमेराची सेटिंग वारंवार बदलावी लागत असे. यासाठी मालिकेचे छायाचित्रकार अमित त्यागी यांनी त्यावर विशेष काम केलं', असं दिग्दर्शक भीमरावनं सांगितलं. संपूर्ण युनिट या प्रसंगासाठी गाडीच्या बरोबरच होतं. या मालिकेच्या निमित्त वास्तवदर्शी चित्रित केले गेलेले प्रसंग पुढेही बघायला मिळणार आहेत.