जरा हट के जरा बच के
विकी कौशल,सारा अली खान,नीरज सूद,आकाश खुराना,राकेश बेदी
‘लुकाछुपी’, ‘मिमी’ या चित्रपटांनंतर छायांकनकार-दिग्दर्शक लक्ष्मण उतेकर ‘जरा हट के जरा बच के’ ही गोष्ट घेऊन आले आहेत. तरुणाईच्या भावविश्वाचा वेध घेणारे चित्रपट करण्यावर उतेकर यांचा भर असल्याचं त्यांच्या कलाकृती पाहिल्यावर लक्षात येतं. विकी कौशल आणि सारा अली खान या जोडीला घेऊन या चित्रपटातही त्यांनी अशीच एक गोष्ट सांगितली आहे. रोमँटिक कॉमेडी म्हणून ‘जरा हट के जरा बच के’ एकदा पाहण्यासारखा झाला आहे; पण या प्रेमकथेत काहीतरी राहून गेलंय, हे वारंवार जाणवत राहतं.
थोडक्यात गोष्ट सांगायची, तर इंदूरमधलं परस्परांवर जीवापाड प्रेम करणारं कपिल दुबे (विकी कौशल) आणि सौम्या चावला-दुबे (सारा अली खान) जोडपं एका सरकारी योजनेतलं घर मिळवण्यासाठी घटस्फोट घ्यायचं ठरवतं. मात्र, त्यांनी केलेला प्लॅन गडबडतो आणि मग वेगळ्या रस्त्यांवरून होणारा त्यांच्या प्रेमाचा पुढचा प्रवास उलगडत जातो. उतेकरांच्या आधीच्या दोन चित्रपटांप्रमाणेच ही गोष्टही एका लहान शहरातली असल्यानं त्या शहराचंही एक ‘कॅरेक्टर’ आणि एकत्र कुटुंबपद्धत टिकून असणारं घर या गोष्टीत दिसतं.
इंदूर या शहराला मोठ्या पडद्यावर मांडण्याची अचूक कामगिरी छायांकनकार राघव रामाडॉस यांनी उत्तम केली आहे. गोष्टीत पुन्हा डोकावताना या जोडप्यानं नव्या घराचा शोध घेण्यामागंही एक कारण आहे. कडक शाकाहार पाळणाऱ्या दुबेंच्या घरात अचानक अंड्याचा केक येतो आणि त्याचं खापर सूनबाई सौम्यावर फुटतं. कपिलची मामी (कनुप्रिया पंडित) सूनबाईंना फैलावर घेते. शब्दानं शब्द वाढत जातात आणि मग जोडप्याचा नव्या घराचा शोध सुरू होतो.
सौम्या एक सरकारी योजना शोधून काढते. मात्र, कपिलचं घर असल्यानं ते या योजनेत फिट बसत नसतात. एजंट भगवान दास (इनामउलहक) सांगतो, की सौम्यानं घटस्फोट घेतल्यास ती महिलांसाठी आरक्षित कोट्यातून घर मिळवू शकते. घर मिळाल्यावर हे दोघं पुन्हा लग्न करू शकतात, असं साधं, सोपं गणित मांडलं जातं. घरच्यांसमोर भांडणाचं नाटक करून हे दोघं घरच्यांना घटस्फोट व्हायला हवा, हे पटवून देतात. पुढं काय गमतीजमती घडतात ते पडद्यावर पाहणं उत्तम.
मध्यंतरापर्यंत चित्रपट रंजक वळणावर येऊन पोहोचतो. मात्र, मूळ गोष्टीतली गडबड आपल्याला थोडी खटकते. एका क्षुल्लक कारणावरून आणि तेही गरज नसताना कागदावर का होईना कपिल आणि सौम्या घरासाठी वेगळं व्हायचा निर्णय घेतात. मध्यंतरानंतर काय होणार याची उत्सुकता थोडीफार ‘प्रेडिक्टेबल’ होऊ लागते.
चित्रपटातले काही प्रसंग अनावश्यक वाटू शकतात. जसे की, सौम्या आणि कपिलनं भाऊ-बहीण असल्याचं भासवणं, सरकारी अधिकारी आणि सौम्याचे प्रसंग, रुग्णालयाशी संबंधित प्रसंग यात नाट्य आहे. मात्र, ते चित्रपटाला शेवटाकडे ओढूनताणून आणण्याचं काम करतात. विकी कौशलनं इंदूरसारख्या शहरातला युवक पूर्ण न्याय देऊन साकारला आहे. मध्यमवर्गीय सूनबाई आणि त्यातही पंजाबी मुलगी म्हणून साराची भूमिका तितकीशी छाप पाडणारी नाही.
सहायक कलावंतांमध्ये नीरज सूद, कनुप्रिया पंडित, इनामउलहक, राकेश बेदी, हरिचरण चावला, आकाश खुराना यांनी आपल्या भूमिका उत्तम निभावल्या आहेत. सचिन-जिगर यांचं संगीत ठेका धरायला लावणारं. एकूणात, हा चित्रपट एकदा पाहण्यासारखा नक्कीच आहे. मात्र, ही गोष्ट आणखी छान पद्धतीनं मांडता आली असती असं वाटतं. आता ‘जरा हट के’ म्हणून तो पाहायचा की, त्याच्यापासून ‘जरा बच के’ राहायचं, हा निर्णय प्रेक्षकांचा.
सिनेमा : जरा हट के जरा बच के
निर्माते : दिनेश विजन, ज्योती देशपांडे
कथा, लेखन व दिग्दर्शक ः लक्ष्मण उतेकर
लेखन-संवाद ः मैत्रेय वाजपेयी, रमीझ इल्हाम खान
छायांकन ः राघव रामाडॉस
संगीत ः सचिन-जिगर
कलाकार ः विकी कौशल, सारा अली खान, नीरज सूद, आकाश खुराना, राकेश बेदी व इतर
दर्जा ः तीन स्टार
थोडक्यात गोष्ट सांगायची, तर इंदूरमधलं परस्परांवर जीवापाड प्रेम करणारं कपिल दुबे (विकी कौशल) आणि सौम्या चावला-दुबे (सारा अली खान) जोडपं एका सरकारी योजनेतलं घर मिळवण्यासाठी घटस्फोट घ्यायचं ठरवतं. मात्र, त्यांनी केलेला प्लॅन गडबडतो आणि मग वेगळ्या रस्त्यांवरून होणारा त्यांच्या प्रेमाचा पुढचा प्रवास उलगडत जातो. उतेकरांच्या आधीच्या दोन चित्रपटांप्रमाणेच ही गोष्टही एका लहान शहरातली असल्यानं त्या शहराचंही एक ‘कॅरेक्टर’ आणि एकत्र कुटुंबपद्धत टिकून असणारं घर या गोष्टीत दिसतं.
इंदूर या शहराला मोठ्या पडद्यावर मांडण्याची अचूक कामगिरी छायांकनकार राघव रामाडॉस यांनी उत्तम केली आहे. गोष्टीत पुन्हा डोकावताना या जोडप्यानं नव्या घराचा शोध घेण्यामागंही एक कारण आहे. कडक शाकाहार पाळणाऱ्या दुबेंच्या घरात अचानक अंड्याचा केक येतो आणि त्याचं खापर सूनबाई सौम्यावर फुटतं. कपिलची मामी (कनुप्रिया पंडित) सूनबाईंना फैलावर घेते. शब्दानं शब्द वाढत जातात आणि मग जोडप्याचा नव्या घराचा शोध सुरू होतो.
सौम्या एक सरकारी योजना शोधून काढते. मात्र, कपिलचं घर असल्यानं ते या योजनेत फिट बसत नसतात. एजंट भगवान दास (इनामउलहक) सांगतो, की सौम्यानं घटस्फोट घेतल्यास ती महिलांसाठी आरक्षित कोट्यातून घर मिळवू शकते. घर मिळाल्यावर हे दोघं पुन्हा लग्न करू शकतात, असं साधं, सोपं गणित मांडलं जातं. घरच्यांसमोर भांडणाचं नाटक करून हे दोघं घरच्यांना घटस्फोट व्हायला हवा, हे पटवून देतात. पुढं काय गमतीजमती घडतात ते पडद्यावर पाहणं उत्तम.
मध्यंतरापर्यंत चित्रपट रंजक वळणावर येऊन पोहोचतो. मात्र, मूळ गोष्टीतली गडबड आपल्याला थोडी खटकते. एका क्षुल्लक कारणावरून आणि तेही गरज नसताना कागदावर का होईना कपिल आणि सौम्या घरासाठी वेगळं व्हायचा निर्णय घेतात. मध्यंतरानंतर काय होणार याची उत्सुकता थोडीफार ‘प्रेडिक्टेबल’ होऊ लागते.
चित्रपटातले काही प्रसंग अनावश्यक वाटू शकतात. जसे की, सौम्या आणि कपिलनं भाऊ-बहीण असल्याचं भासवणं, सरकारी अधिकारी आणि सौम्याचे प्रसंग, रुग्णालयाशी संबंधित प्रसंग यात नाट्य आहे. मात्र, ते चित्रपटाला शेवटाकडे ओढूनताणून आणण्याचं काम करतात. विकी कौशलनं इंदूरसारख्या शहरातला युवक पूर्ण न्याय देऊन साकारला आहे. मध्यमवर्गीय सूनबाई आणि त्यातही पंजाबी मुलगी म्हणून साराची भूमिका तितकीशी छाप पाडणारी नाही.
सहायक कलावंतांमध्ये नीरज सूद, कनुप्रिया पंडित, इनामउलहक, राकेश बेदी, हरिचरण चावला, आकाश खुराना यांनी आपल्या भूमिका उत्तम निभावल्या आहेत. सचिन-जिगर यांचं संगीत ठेका धरायला लावणारं. एकूणात, हा चित्रपट एकदा पाहण्यासारखा नक्कीच आहे. मात्र, ही गोष्ट आणखी छान पद्धतीनं मांडता आली असती असं वाटतं. आता ‘जरा हट के’ म्हणून तो पाहायचा की, त्याच्यापासून ‘जरा बच के’ राहायचं, हा निर्णय प्रेक्षकांचा.
सिनेमा : जरा हट के जरा बच के
निर्माते : दिनेश विजन, ज्योती देशपांडे
कथा, लेखन व दिग्दर्शक ः लक्ष्मण उतेकर
लेखन-संवाद ः मैत्रेय वाजपेयी, रमीझ इल्हाम खान
छायांकन ः राघव रामाडॉस
संगीत ः सचिन-जिगर
कलाकार ः विकी कौशल, सारा अली खान, नीरज सूद, आकाश खुराना, राकेश बेदी व इतर
दर्जा ः तीन स्टार