'कटचा अर्थ कटच असतो तिकडेच थांबतो...' परिणिती चोप्रानं शेअर केला इंटिमेट सीनचा अनुभव

मुंबई: बॉलिवूड अभिनेत्री परिणिती चोप्रानं खूप कमी चित्रपटांमध्ये काम केलं आहे पण त्या चित्रपटांतूनही तिनं स्वतःचा वेगळा ठसा उमटवला आहे. परिणितीचे मागच्या काही महिन्यात सलग तीन चित्रपट ओटीटीवर रिलीज झाले आहेत. चित्रपटगृहात हे चित्रपट रिलीज झाले नसले तरीही परिणितीच्या अभिनयानं सर्वांची मनं जिंकली. परिणिती नेहमीच तिच्या करिअर आणि चित्रपटांबद्दल स्पष्ट विचार मांडताना दिसते. नुकत्याच दिलेल्या एका मुलाखतीतही तिनं अशाच प्रकारे चित्रपटातील तिच्या इंटिमेट सीनच्या शूटिंगचे अनुभव शेअर केले.

परिणितीनं लगावली अर्जुन कपूरच्या कानशीलात, असं काय घडलं की अभिनेत्रीला आला राग
नुकत्याच दिलेल्या एका मुलाखतीत बोलताना परिणिती म्हणाली, 'मी कोणत्याही भूमिकेला पूर्णपणे न्याय देण्याचा प्रयत्न करते. पण कोणतीही भूमिका खऱ्या आयुष्यातील माझ्यावर वर्चस्व गाजवणार नाही याची काळजी घेते. पण हे माझ्यासोबत अनेकदा होतं. 'द गर्ल ऑन द ट्रेन'मधील भूमिका साकारताना मी कोणत्यातरी वेगळ्याच जगात असल्याचं मला वाटायचं. मी नेहमीच जेव्हा शूटिंग संपतं त्यावेळी ती व्यक्तीरेखा विसरून जाते आणि माझ्या कारमध्ये बसते. मी कधीच एखाद्या व्यक्तिरेखेत गुंतून जात नाही.'


चित्रपटातील रोमँटिक आणि इंटिमेट सीनबद्दल परिणितीला विचारण्यात आलं की, कधी असा एखादा सीन शूट करत असताना त्यात गुंतून गेल्याची घटना घटना घडली आहे का? या प्रश्नाचं उत्तर देताना परिणिती म्हणाली, 'नाही मी असे बरेच किंसिंग किंवा इंटिमेट सीन दिले आहेत. पण हे सीन दिग्दर्शकानं कट बोलल्यावर संपून जातात. जेव्हा तुम्ही कोणत्याही सीनमध्ये शरीरानं गुंतता तेव्हा ते खूपच क्लिनिकल आणि टेक्निकल होतं.'

वाढत्या वजनामुळे लोकं मला... परिणितीनं सांगितला बॉडी शेमिंगचा अनुभव
परिणितीच्या कामाबद्दल बोलायचं तर मागच्या काही महिन्यात 'द गर्ल ऑन द ट्रेन', 'साइना' आणि 'संदीप और पिंकी फरार' असे तिचे तीन चित्रपट लागोपाठ रिलीज झालेत. आगामी चित्रपटांबद्दल बोलायचं तर ती लवकरच अजय देवगणच्या 'भुज: द प्राइड ऑफ इंडिया' तर रणबीर कपूरसोबत 'अॅनिमल' या चित्रपटांमध्ये दिसणार आहे.