मुंबई- बॉलिवूड अभिनेत्री प्रीती झिंटा गेली अनेक वर्ष चित्रपटसृष्टीपासून दूर आहे. परंतु, प्रेक्षकांमध्ये तिची लोकप्रियता तसूभरही कमी झालेली नाही. सोशल मीडियावर तिचे लाखो फॉलोवर्स आहेत. प्रीती नेहमीच तिचे फोटो आणि व्हिडीओ चाहत्यांसोबत शेअर करत असते. सोबतच तिला ट्रोल करण्याचा प्रयत्न करणाऱ्यांना सडेतोड उत्तरही देत असते. मदर्स डेच्या निमित्ताने प्रीतीने सासूसोबतचा फोटो चाहत्यांसोबत शेअर केला होता. त्यावर एका युझरने प्रीतीला ट्रोल करण्याचा प्रयत्न केला परंतु, प्रीतीनेही सडेतोड उत्तर देत त्याची बोलती बंद केली. प्रीतीने मदर्स डेच्या निमित्ताने सासूसोबतचा फोटो शेअर करत लिहिलं, 'तुम्हाला मदर्स डे च्या खूप खूप शुभेच्छा. माझ्या स्वप्नातील व्यक्तीला मोठं करण्यासाठी खूप खूप धन्यवाद. माझ्यावर प्रेम करण्यासाठी आणि मला सून नाही तर मुलगी समजण्यासाठी खूप आभार.' प्रीतीच्या या कॅप्शनवर एका युझरने तिला ट्रोल करत लिहिलं, 'हे सगळं फक्त दाखवण्यासाठी आहे. तुझ्या लोकप्रियतेमुळे आहे. नाहीतर काही काळानंतर कोणतीही सासू वाईटच वागेल.' युझरच्या या कमेंटवर उत्तर देण्यापासून प्रीती स्वतःला अडवू शकली नाही.
युझरच्या कमेंटवर उत्तर देत प्रीतीने लिहिलं, 'तुमच्या प्रसिद्धी आणि लोकप्रियतेमुळे कुटुंब नाही बनत. त्यासाठी घरातील सगळ्या सदस्यांचा मान ठेवावा लागतो आणि त्यांच्यावर प्रेम करावं लागतं.' प्रीतीच्या या उत्तराचं अनेकांनी कौतुक केलं. यापूर्वीही प्रीतीने सासूसोबतचा फोटो शेअर करत त्यांचे आभार मानले होते. प्रीतीने २००६ साली व्यावसायिक जीन गुडएनफ यांच्यासोबत लग्नगाठ बांधली. त्यानंतर ती लॉस एन्जेलिसला गेली. प्रीती आयपीएलच्या पंजाब किंग्सची मालकीण आहे.
युझरच्या कमेंटवर उत्तर देत प्रीतीने लिहिलं, 'तुमच्या प्रसिद्धी आणि लोकप्रियतेमुळे कुटुंब नाही बनत. त्यासाठी घरातील सगळ्या सदस्यांचा मान ठेवावा लागतो आणि त्यांच्यावर प्रेम करावं लागतं.' प्रीतीच्या या उत्तराचं अनेकांनी कौतुक केलं. यापूर्वीही प्रीतीने सासूसोबतचा फोटो शेअर करत त्यांचे आभार मानले होते. प्रीतीने २००६ साली व्यावसायिक जीन गुडएनफ यांच्यासोबत लग्नगाठ बांधली. त्यानंतर ती लॉस एन्जेलिसला गेली. प्रीती आयपीएलच्या पंजाब किंग्सची मालकीण आहे.