नवऱ्याला खुश ठेवायचं तर... लग्नाच्या दोन वर्षांनतर प्रियांका चोप्राने सांगितलं यशस्वी नात्याचं गुपित

मुंबई- बॉलिवूड अभिनेत्री प्रियांका चोप्रा दोन वर्षांपूर्वी हॉलिवूड गायक आणि अभिनेता निक जोनस सोबत विवाहबंधनात अडकली. त्यांच्या लग्नाला जवळपास दोन वर्ष उलटून गेली आहेत. प्रियांका आणि निक यांचं लग्न उदयपूर येथे मोठ्या थाटामाटात झालं होतं. हिंदू आणि ख्रिश्चन अशा दोन्ही पद्धतीने पार पडलेल्या या विवाह सोहळ्याला काही खास पाहुण्यांनाच आमंत्रित करण्यात आलं होतं. प्रियांका आणि निकची जोडी बॉलिवूडच्या प्रेक्षकांची आवडती जोडी आहे. लग्नाच्या दोन वर्षानंतरही प्रियांका आणि निक एकमेकांसोबत नवविवाहित जोडप्याप्रमाणे वागताना दिसतात. नुकत्याच दिलेल्या एका मुलाखतीत प्रियांकाने त्यांच्यातील नात्याबद्दल काही गुपितं सांगितली आहेत.


अग्गंबाई सूनबाई मालिकेतील दृश्याबद्दल अद्वैत दादरकरचा माफीनामा

ऑस्ट्रेलियातील एका मासिकाला दिलेल्या मुलाखतीत प्रियांकाला तिच्या आणि निकच्या यशस्वी लग्नाबद्दल काही प्रश्न विचारण्यात आले. लग्नाच्या दोन वर्षानंतरही तुमच्यात एवढं प्रेम कसं, असं विचारण्यात आल्यावर प्रियांकाने म्हटलं, 'आता आमच्या लग्नाला फक्त दोन वर्ष झाली आहेत. त्यामुळे मी एवढंच सांगू शकते की तुमच्या जोडीदारासोबत बोलणं आणि वेळ घालवणं खूप महत्वाचं असतं. एकमेकांसोबत बसून गप्पा गोष्टी करणं आणि त्याहूनही महत्वाचं म्हणजे एकमेकांची मतं ऐकणं. आपण बोलत राहतो आणि ऐकायचं विसरून जातो पण तसं करणं योग्य नाही. आपल्या जोडीदाराचं म्हणणं ऐकलं पाहिजे. त्यामुळे तुम्ही जो वेळ एकत्र घालवता तो वेळ तुमच्यासाठी खूप खास बनतो. तुम्हाला तुमचा जोडीदार आणखी आवडू लागतो.'


यासोबतच प्रियांकाने तिच्या लग्नाबद्दल सांगताना म्हटलं, 'आम्हाला आमच्या लग्नाची तयारी करायला दोन महिने लागले होते कारण आमच्याकडे विचार करायला फार वेळ नव्हता. त्यामुळे लग्न जसं झालं ते आमच्यासाठी उत्कृष्ट होतं. आम्ही सुरुवातीला ट्विटरवर गप्पा मारायचो. त्यानंतर आम्ही एकमेकांना मेसेज करायला लागलो. आमची पहिली भेट २०१७ सालच्या व्हॅनिटी फेअर ऑस्कर सोहळ्यात झाली होती. त्यानंतर आम्ही लॉस अँजेलिसला भेटलो आणि एक चित्रपटदेखील पाहिला होता.'

'मालिकेचा दर्जा घसरतोय' असं म्हटलं जातं तेव्हा 'ट्रोलिंगच्या भाषेच्या दर्जाचं काय?