अभिनेते आणि करिनाचे वडिल रणधीर कपूर यांना करोनाची लागण

मुंबई- देशात करोनाने थैमान घातलं आहे. दिवसेंदिवस रुग्णसंख्या वाढत आहे. आरोग्य यंत्रणा दिवसरात्र काम करतायत. महाराष्ट्रासह देशातील काही राज्यात लॉकडाउन लावण्यात आला आहे. बॉलिवूडमधील कलाकार देखील करोनाचे शिकार होत आहेत. यापूर्वी अक्षय कुमार, विकी कौशल, कतरीना कैफ यांसारख्या कलाकारांना करोनाची लागण झाली होती. आता कपूर कुटंबातील आणखी एका सदस्याला करोनाची लागण झाली आहे. ज्येष्ठ बॉलिवूड अभिनेते आणि करिना कपूरचे वडिल रणधीर कपूर यांना करोनाची लागण झालीए.'दोस्ताना २' नंतर आणखी एका चित्रपटातून कार्तिक आर्यन बाहेर; चर्चेला उधाण

रणधीर कपूर ७४ वर्षांचे असून त्यांना करोनाची लागण झाली आहे. खबरदारी म्हणून त्यांना मुंबईतील कोकिलाबेन रुग्णालयात दाखल करण्यात आलं आहे. एका वृत्तवाहिनीने दिलेल्या माहितीनुसार, कोकिलाबेन रुग्णालयाचे सीइओ आणि एक्सिक्युटीव्ह डायरेक्टर डॉक्टर संतोष शेट्टी यांचं म्हणणं आहे की, 'रणधीर कपूर रुग्णालयात दाखल झाले आहेत आणि त्यांच्यावर कोविड- १९ चे उपचार सुरू आहेत. त्यांची प्रकृती सध्या चांगली आहे.'

यापूर्वी रणबीर कपूरला देखील करोनाची लागण झाली होती. परंतु, रणबीरने यशस्वीरीत्या करोनावर मात केली होती.

नोराला भेटण्यासाठी औरंगाबादच्या चाहत्याने गाठली मुंबई; व्हिडिओ होतोय व्हायरल