पाकिस्तानचे पीएम इम्रान खान यांच्याशी होणार होतं रेखा यांचं लग्न, आईनं घेतला होता जोतिष्यांचा सल्ला

मुंबई: बॉलिवूड आणि क्रिकेट यांचं नेहमीच एक खास कनेक्शन राहिलं आहे. क्रिकेटर्स आणि बॉलिवूड अभिनेत्री यांच्या लव्ह अफेअर्स ही आता तितकीशी आश्चर्याची बाब राहिलेली नाही. अनेक क्रिकेटर्स बॉलिवूड अभिनेत्रींच्या प्रेमात पडले. काहींचं प्रेम लग्नात बदललं तर काही मात्र वेगळे झाले. अशीच एक लव्हस्टोरी आहे प्रसिद्ध बॉलिवूड अभिनेत्री रेखा आणि पाकिस्ताचे पंतप्रधान आणि माजी क्रिकेट कर्णधार इम्रान खान यांची.

'जीव वाचवणं हे इमेजपेक्षा जास्त महत्त्वाचं' मोदी सरकारवर टीका

सध्या इन्स्टाग्रामवर एक फोटो व्हायरल होताना दिसत आहे. जे एका वृत्तपत्राचं जुनं कात्रण आहे. या फोटोमधील हे कात्रण १९८५ मधील आहे. ज्यात रेखा आणि इमरान खान यांचा फोटो आहेत आणि त्यासोबत या दोघांच्या लग्नासंबंधी वृत्त छापलेलं आहे. या वृतामध्ये स्पष्टपणे लिहिलं आहे की, रेखा आणि इम्रान खान लग्न करणार आहेत. या वृत्तामध्ये भारतीय फिल्म जर्नलच्या संदर्भ देऊन या दोघांच्या लग्नाचा खुलासा करण्यात आला आहे.


या वृत्तानुसार रेखा यांची आई या नात्यासाठी खूप खूश होत्या. एवढंच नाही तर त्यांनी या नात्याबाबत जोतिष्यांना कुंडली दाखवून त्यांचा सल्लाही घेतला होता. याशिवाय या वृत्तामध्ये असं लिहिलं आहे की, रेखा आणि इम्रान खान यांनी काही काळ मुंबईमध्ये एकत्र व्यतित केला होता. या दोघांना मुंबईच्या बिचवर तसेच नाइटक्लबमध्ये एकत्र फिरताना दिसले होते. त्यावेळी लोकांचं म्हणणं होतं की, हे दोघंही एकमेकांच्या प्रेमात आकंठ बुडालेले होते.

कानशिलातच लगावेल' सलमान खानचा अजब खुलासा

दरम्यान १९९५ मध्ये इम्रान खान यांनी ब्रिटीश निर्माती जेमिमा गोल्डस्मिथशी लग्न केलं. पण या दोघांचा २००४ मध्ये घटस्फोट झाला. त्यानंतर इम्रान खान यांनी ब्रिटिश पत्रकार रेहम खानशी २०१४ मध्ये लग्न केलं पण त्यांचं हे लग्नही फार काळ टिकलं नाही. रेहमपासून घटस्फोट घेतल्यानंतर इम्रान यांनी २०१८ मध्ये तिसरं लग्न केलं. त्यांच्या आताच्या पत्नीचं नाव बुशरा बीबी असं आहे. तर रेखा यांनी १९९० मध्ये व्यावसायिक मुकेश अग्रवाल यांच्याशी लग्न केलं होतं. पण लग्नानंतर काही महिन्यातच मुकेश यांनी आत्महत्या केली. ज्यानंतर रेखांनी पुन्हा कधीच लग्न केलं नाही.