मुंबई- बॉलिवूडचा लोकप्रिय अभिनेता रितेश देशमुख मराठी प्रेक्षकांचा प्रचंड लाडका आहे. त्याने त्याच्या अभिनयाने हिंदी चित्रपटसृष्टी गाजवली आहे. फक्त भारतातच नाही तर भारताबाहेरही रितेशचे अनेक चाहते आहेत. तो सोशल मीडियावर प्रचंड सक्रिय असतो. तो त्याचे आणि त्याच्या कुटुंबाचे अनेक फोटो व व्हिडीओ शोषलं मीडियावर शेअर करत असतो. रितेश आणि जेनेलिया ही प्रेक्षकांची आवडती जोडी आहे. त्यांच्या फोटो आणि व्हिडिओवर चाहत्यांच्या प्रेमाचा वर्षाव होत असतो. परंतु, आता मात्र रितेशने भावुक होत एक पोस्ट चाहत्यांसोबत शेअर केली आहे. ही पोस्ट त्याच्या एका चाहत्याने त्याला दिलेल्या भेटवस्तूबद्दल आहे.
रितेशची एक ओळख अभिनेता म्हणून असली तरी महाराष्ट्रातील प्रेक्षक त्याला त्याचे वडील माननीय विलासराव देशमुख यांचा मुलगा म्हणून ओळखतात. रितेशच्या एका चाहत्याने त्याला विलासरावांचं एक उत्कृष्ट चित्र भेट म्हणून दिलं. ते चित्र पाहून रितेश भावुक झाला होता. उत्तम चित्र अगदी सहजरित्या काढणारा कलाकार गौरव भाटकर याने रितेशला ते चित्र भेट म्हणून दिलं. रितेशने ते चित्र इन्स्टाग्रामवर पोस्ट करत म्हटलं, 'खूप खूप धन्यवाद गौरव भाटकर, तुझं चित्र माझ्या हृदयाला स्पर्शून गेलं आणि त्याचं वर्णन मी शब्दात नाही करू शकत. ही मला मिळालेल्या भेटवस्तूंपैकी सगळ्यात जास्त जवळची भेट असणार आहे. नम्र आणि तुझा कृतज्ञ.' असं लिहीत त्याने चाहत्यांसोबत तो फोटो शेअर केला आहे. यापूर्वी विलासराव यांच्या जयंतीदिनी रितेशने एक व्हिडीओ बनवला होता. त्यात तो त्याच्या वडिलांच्या कपड्यांसोबत त्यांच्या आठवणीत रममाण होताना दिसला.
चित्रकार गौरवने देखील त्याच्या इन्स्टाग्राम अकाऊंटवर एक व्हिडीओ शेअर केला आहे. त्यात रितेश गौरवचं कौतुक करत आहे. रितेशने म्हटलं, 'माझ्यासाठी आज खूप महत्वाचा दिवस आहे. गौरव यांनी या चित्रातून भावना, क्षण अत्यंत उत्तमरित्या मांडले आहेत. माझ्या आयुष्याचं जे सार आहे ते हे आहे. वडील काय असतात, माझ्यासाठी हे काय आहेत, हे या चित्रातून त्याने खूप छान मांडलं आहे. धन्यवाद गौरव.' गौरव याने यापूर्वीही अनेक अभिनेत्यांना त्यांचं चित्रं भेट म्हणून दिलं आहे. यात मराठमोळा अभिनेता सिद्धार्थ जाधव, मास्तर ब्लास्टर सचिन तेंडुलकर, सिंधुताई सपकाळ यांचा समावेश आहे.
रितेशची एक ओळख अभिनेता म्हणून असली तरी महाराष्ट्रातील प्रेक्षक त्याला त्याचे वडील माननीय विलासराव देशमुख यांचा मुलगा म्हणून ओळखतात. रितेशच्या एका चाहत्याने त्याला विलासरावांचं एक उत्कृष्ट चित्र भेट म्हणून दिलं. ते चित्र पाहून रितेश भावुक झाला होता. उत्तम चित्र अगदी सहजरित्या काढणारा कलाकार गौरव भाटकर याने रितेशला ते चित्र भेट म्हणून दिलं. रितेशने ते चित्र इन्स्टाग्रामवर पोस्ट करत म्हटलं, 'खूप खूप धन्यवाद गौरव भाटकर, तुझं चित्र माझ्या हृदयाला स्पर्शून गेलं आणि त्याचं वर्णन मी शब्दात नाही करू शकत. ही मला मिळालेल्या भेटवस्तूंपैकी सगळ्यात जास्त जवळची भेट असणार आहे. नम्र आणि तुझा कृतज्ञ.' असं लिहीत त्याने चाहत्यांसोबत तो फोटो शेअर केला आहे. यापूर्वी विलासराव यांच्या जयंतीदिनी रितेशने एक व्हिडीओ बनवला होता. त्यात तो त्याच्या वडिलांच्या कपड्यांसोबत त्यांच्या आठवणीत रममाण होताना दिसला.
चित्रकार गौरवने देखील त्याच्या इन्स्टाग्राम अकाऊंटवर एक व्हिडीओ शेअर केला आहे. त्यात रितेश गौरवचं कौतुक करत आहे. रितेशने म्हटलं, 'माझ्यासाठी आज खूप महत्वाचा दिवस आहे. गौरव यांनी या चित्रातून भावना, क्षण अत्यंत उत्तमरित्या मांडले आहेत. माझ्या आयुष्याचं जे सार आहे ते हे आहे. वडील काय असतात, माझ्यासाठी हे काय आहेत, हे या चित्रातून त्याने खूप छान मांडलं आहे. धन्यवाद गौरव.' गौरव याने यापूर्वीही अनेक अभिनेत्यांना त्यांचं चित्रं भेट म्हणून दिलं आहे. यात मराठमोळा अभिनेता सिद्धार्थ जाधव, मास्तर ब्लास्टर सचिन तेंडुलकर, सिंधुताई सपकाळ यांचा समावेश आहे.