सलमाननं राखीला आईच्या शस्त्रक्रियेसाठी केली मदत, व्हिडीओ शेअर करत तिने मानले आभार

मुंबई: नेहमीच आपल्या ड्रामामुळे चर्चेत राहणाऱ्या राखी सावंतची आई मागच्या बऱ्याच काळापासून कॅन्सरशी लढत आहे. लवकरच राखीच्या आईची शस्त्रक्रिया होणार आहे. ज्याची माहिती राखीनं तिच्या सोशल मीडियावर एक व्हिडीओ शेअर करून दिली आहे. या व्हिडीओमध्ये राखीनं या शस्त्रक्रियेसाठी सलमान खाननं मदत केल्यानं ही शस्त्रक्रिया करणं शक्य झाल्याचं सांगितलं आहे.

'गोंधळ निस्तरता येत नाही म्हणून मोदीजींची आठवण आली का?'

राखी सावंत आणि तिच्या आईनं सलमान खानचे आभार मानले आहेत. राखी सावंतनं एक व्हिडीओ तिच्या इन्स्टाग्रामवर शेअर केला आहे. ज्यात ती म्हणते, 'आज माझ्या आईचं ऑपरेशन आहे. डॉ. संजय शर्मा अखेर तिचा कॅन्सरचा ट्यूमर काढून टाकणार आहेत. मी खूप खूश आहे की, माझ्या आईला कोणतंही टेन्शन घेण्याची गरज नाही.'


राखीनंतर तिची आई हात जोडून म्हणते, 'मी सलमानला नमस्कार आम्ही देवाकडे प्रार्थना करायचो की, आमच्याकडे पैसे नाहीत मग आता आम्ही काय करावं. कदाचित मी मरून जाईन पण सलमान खान आमच्यासाठी देवदूत म्हणून आला. त्याने आमची खूप मदत केली. आज माझं ऑपरेशन त्याच्यामुळे होत आहे. त्याचं पूर्ण कुटुंब आज आमच्यासोबत आहे. मी देवाकडे प्रार्थना करते की, त्याच्या कुटुंबाला नेहमीच सर्व समस्यांपासून सुरक्षित ठेवो.'

चित्रपट फ्लॉप झाल्यावर लाखभर फी वाढवायचे राजकुमार, वाचा किस्सा


यानंतर राखी म्हणते, 'सलमानजी धन्यवाद आज तुमच्यामुळे माझी आई जिवंत आहे. देव आणि तुमच्यामुळेच माझ्या आईचं आज एवढं मोठं ऑपरेशन होत आहे. प्रत्येक घरात सलमान आणि सोहेल सारखी मुलं असायला हवीत.' सलमान खाननं या आधीही अनेकदा राखीची मदत केली आहे. ज्याचा खुलासा राखीनं स्वतःच केला होता. ज्याचे व्हिडीओ सोशल मीडियावर व्हायरल झाले होते.