शाहरुखवर वचपा काढण्यासाठी आर्यन टारगेट, बॉलिवूडमध्ये सगळे नेभळट- शत्रुघ्न सिन्हा

मुंबई- आपल्या वादग्रस्त विधानांमुळे कायम चर्चेत असणारे बॉलिवूडचे लोकप्रिय अभिनेते शत्रुघ्न सिन्हा यांनी नुकतंच शाहरुख खान आणि आर्यन खान दृग प्रकरणावर प्रतिक्रिया दिली. शाहरुखचा मुलगा असल्याने आर्यनला टारगेट केलं जातंय. काही लोक शाहरुखवर राग काढण्यासाठी हे सगळं करत असल्याचं त्यांनी म्हटलं आहे. सोबतच त्यांनी संपूर्ण बॉलीवूडला घाबरट आणि नेभळट म्हटलं आहे.

बिग बींनी सोडली कोट्यवधींची जाहिरात, मानधनही केलं परत

आर्यनला अटक झाल्यानंतर बॉलिवूडमधील काही कलाकार शाहरुखच्या समर्थनार्थ पुढे आले होते. परंतु, अजूनही अनेक कलाकार या प्रकरणावर मूग गिळून गप्प आहेत. अनेकांचं असं म्हणणं आहे की फक्त शाहरुखचा मुलगा असल्यामुळे आर्यनला टारगेट केलं जातंय. याबद्दलं शत्रुघ्न म्हणाले, 'कुणालाही पुढे यायचं नाहीये. प्रत्येक जण असा विचार करतोय की हे त्याच्या घरचं प्रकरण आहे त्याने एकट्याने हे सगळं हाताळायला हवं. त्यांना वाटतं की शाहरुखने त्याची लढाई स्वतः लढावी. या इण्डस्ट्रीमध्ये अनेक घाबरट लोक भरलेले आहेत. गोदी मीडियाप्रमाणे ते गोदी कलाकार आहेत.'

पुढे शत्रुघ्न म्हणाले, 'मला नाही वाटत की धर्मामुळे शाहरुखला टारगेट केलं जातंय. असं म्हणणं चुकीचं ठरेल. अनेक लोक त्याला धार्मिक रंग देण्याचा प्रयत्न करतायत. पण ते योग्य नाहीये. तो भारतीय आहे. भारताचा मुलगा आहे. आणि संविधानानूसार सगळे लोक समांतर आहेत. फक्त शाहरुखचं कारण आहे ज्यामुळे आर्यनला टारगेट केलं जातंय. आणखीही काही लोक आहेत जसं मुनमुन धामेचा आणि अरबाज मर्चंट पण त्यांच्याबद्दल कोणीही बोलत नाही. मागच्या वेळेस देखील असंच झालं होतं. आता काही जणांना शाहरुखसोबत हिशोब बरोबर करण्याची संधी मिळालीये. त्यांना या प्रकरणात फसवायला आर्यन मिळालाय.'

स्नेहा वाघचा गेम पाहून प्रेक्षक भडकले; म्हणाले, तू तर मीरापेक्षाही भयंकर स्पर्धक