मुंबई: बॉलिवूड अभिनेत्री सुश्मिता सेनची मुलगी रिनीनं अद्याप बॉलिवूड पदार्पण केलेलं नाही. पण सोशल मीडियावर तिचा मोठा चाहतावर्ग आहे. नुकतंच रिनीनं चाहत्यांसाठी इन्स्टाग्रामवर Ask Me सेशन घेतलं होतं. ज्यात तिला तिच्या खऱ्या आईपासून ते रिलेशनशिप स्टेटसपर्यंत अनेक प्रश्न विचारले गेले आणि रिनीनं सुद्धा या प्रश्नांची अगदी बिनधास्त उत्तरं दिली. काही दिवसांपूर्वीच रिनी शॉर्ट फिल्म 'सुट्टाबाजी'मध्ये दिसली होती. यातील तिच्या अभिनयाचं खूप कौतुक केलं गेलं आणि सोशल मीडियावरील तिच्या चाहत्यांमध्ये वाढ झाली. इन्स्टाग्रामवरील प्रश्नोत्तरांच्या एका सेशनमध्ये एका युजरनं रिनीला 'तुझी खरी आई कोण?' असा प्रश्न केला. आता सर्वांनाच आहे की रिनी ही सुश्मिताची दत्तक घेतलेली मुलगी आहे. पण युझरच्या या प्रश्नावर जेव्हा रिनीनं उत्तर दिलं ते पाहिल्यावर सर्वच तिचं कौतुक करत आहेत.
रिनीला तिच्या खऱ्या आईविषयी जेव्हा एका युझरनं प्रश्न विचारला त्यावर उत्तर देताना रिनी म्हणाली, 'मी माझ्या आईच्या हृदयातून जन्माला आले आहे. हेच सत्य आहे.' रिनीच्या या उत्तरानं त्या युझरची बोलती बंद तर झालीच पण त्यासोबतच सोशल मीडियावर तिच्या या उत्तराचं कौतुक केलं जात आहे. याशिवाय रिनीनं सांगितलं की, 'सध्या मी माझ्या आईकडून बऱ्याच गोष्टी शिकत आहे. आई सुश्मिताचं स्वतंत्र आणि स्ववलंबी असणं मला जास्त आवडतं आणि मी तिच्याकडून हेच शिकत आहे.'
इन्स्टाग्राम सेशनमध्ये रिनीला तिच्या रिलेशनशिप स्टेटसविषयी सुद्धा प्रश्न विचारण्यात आला. एका युझरनं तिला, 'तू सिंगल आहेस का?' असा प्रश्न विचारला. यावर उत्तर देताना रिनी म्हणाली, 'सध्या मी माझं कॉलेज आणि काम या दोनच गोष्टींवर लक्ष केंद्रीत करत आहे आणि हेच माझं रिलेशनशिप स्टेटस आहे.' याशिवाय बॉलिवूड पदार्पणविषयी विचारलेल्या प्रश्नाचं उत्तर देताना रिनीनं आपण ऑडिशन देत असल्याचं सांगितलं.
इन्स्टाग्राम सेशनमध्ये रिनीला तिच्या रिलेशनशिप स्टेटसविषयी सुद्धा प्रश्न विचारण्यात आला. एका युझरनं तिला, 'तू सिंगल आहेस का?' असा प्रश्न विचारला. यावर उत्तर देताना रिनी म्हणाली, 'सध्या मी माझं कॉलेज आणि काम या दोनच गोष्टींवर लक्ष केंद्रीत करत आहे आणि हेच माझं रिलेशनशिप स्टेटस आहे.' याशिवाय बॉलिवूड पदार्पणविषयी विचारलेल्या प्रश्नाचं उत्तर देताना रिनीनं आपण ऑडिशन देत असल्याचं सांगितलं.