स्वतःच्याच मुलाखतीला कंटाळली करिना कपूर, स्वरा भास्करनं शेअर केला Video

मुंबई: 'वीरे द वेडिंग' या चित्रपटात करिना कपूरसोबत काम केलेल्या स्वरा भास्कारनं करिना कपूरचा एक मजेदार व्हिडीओ शेअर केला आहे. या व्हिडीओमध्ये दाखवण्यात आलं आहे की, कशाप्रकारे करिना स्वतःच्या मुलाखतील कंटाळू शकते आणि तिचे वेगवेगळे मूड कॅप्चर करत त्यात मजेशीर टेक्स लिहिण्यात आला आहे.

कुंभमेळ्याहून परतल्यावर दिवंगत श्रवण राठोड यांना झाला करोना

हा व्हिडीओ खरं तर करिना कपूरच्या एका फॅन पेजवर शेअर करण्यात आला आहे. हा व्हिडीओ स्वरानं तिच्या इन्स्टाग्राम स्टोरीवर शेअर केला आहे. या व्हिडीओमध्ये करिनासोबत सोनम कपूर, शिखा तलसानिया आणि शो होस्ट दिसत आहे. हा व्हिडीओ चित्रपट 'वीरे द वेडिंग'च्या प्रमोशनच्या वेळचा आहे. ज्यात करिना जबरदस्तीनं बसलेली दिसत आहे. या व्हिडीओमध्ये करिनाची झलक पाहिल्यावर समजत की, ती खूपच कंटाळली आहे.


सोशल मीडियावर व्हायरल झालेल्या या व्हिडीओमध्ये करिना वेगवेगळे एक्सप्रेशन देताना दिसत आहे आणि या व्हिडीओमध्ये तिच्या एक्सप्रेशननुसार कॅप्शन टेक्स्ट वापरण्यात आले आहेत. ज्यात 'कंटाळा आला आहे', 'मी तयार होण्याची प्रतीक्षा करीत आहे', 'हे किती वेळ घेईल ?', 'माझं लग्न होऊन किती वर्ष झालीत.' अशा प्रकारचे वेगवेगळे टेक्स्ट वापरण्यात आले आहेत.

मोहित रैनाला करोनाची लागण, आठवड्यापासून आहे इस्पितळात भरती


या मजेदार व्हिडीओच्या काही झलक स्वरा भास्करनं तिच्या इन्स्टाग्राम स्टोरीवर शेअर केल्या आहेत. शेअर करताना तिनं लिहिलं, करिना लेजंड आहे. ज्याच्या अनेक कारणांपैकी हे एक कारण आहे. यात करिनाचे वेगवेगळे मूड कॅप्चर करण्यात आले आहेत. ज्याच्या कॅप्शनमध्ये लिहिलं आहे. कधी ती तिच्या कपड्यांच्या स्लीव्हबद्दल विचार करत आहे. तर कधी ती तैमुरकडे परत जाण्याचा विचार करताना दिसत आहे.