'द फॅमिली मॅन २' जगातली चौथी सर्वाधिक लोकप्रिय वेब सीरिज, IMDB रेटिंगमध्ये 'FRIENDS'लाही टाकलं मागे

मुंबई: अभिनेता मनोज बाजपेयी आणि सामंथा अक्किनेनी यांच्या मुख्य भूमिका असलेली वेब सीरिज 'द फॅमिली मॅन २' काही दिवसांपूर्वीच ओटीटी प्लॅटफॉर्मवर रिलीज झाली. पहिल्या सीझनप्रमाणे प्रेक्षकांचा या सीझनलाही उत्तम प्रतिसाद मिळाला. पण आता या वेव सीरिजच्या यशात आणखी एक भर पडली आहे. 'द फॅमिली मॅन २' ही वेब सीरिज IMDB रेटिंगमध्ये जगातली चौथी सर्वाधिक लोकप्रिय वेब सीरिज ठरली आहे.

Fees For Family Man 2- मनोज बाजपेयी ते समंथा अक्किनेनी, कलाकारांनी घेतलं कोट्यवधींचं मानधन
अभिनेता मनोज बाजपेयीनं त्याच्या इन्स्टाग्रावर ही लिस्ट शेअर केली आहे. ज्यात 'द फॅमिली मॅन २' या वेब सीरिजचा IMDB रेटिंगमध्ये चौथं स्थान मिळाल्याचं दिसत आहे. या वेब सीरिजला IMDB वर १० पैकी ८.८ एवढी रेटिंग मिळाली आहे. या यादीत पहिल्या तीन स्थानांवर अनुक्रमे 'लोकी', 'स्वीट टूथ' आणि 'मियर ऑफ ईस्टटाउन' या वेब सीरिज आहेत.


IMDB ची रेटिंग ही युझर्सनी दिलेले सकारात्मक आणि नकारात्मक प्रतिसादावरून ठरवण्यात येते. यावरून 'द फॅमिली मॅन २'ला प्रेक्षकांनी किती प्रतिसाद दिला आहे याचा अंदाज लावला जाऊ शकतो. त्याचप्रमाणे लोकप्रियतेत या वेब सीरिजनं में 'फ्रेंड्स', 'ग्रेज एनाटोमी' यांसारख्या लोकप्रिय वेब सीरिजनाही मागे टाकलं आहे.

लोणावळ्यात काय घडलं होत? निर्मात्यांनी केला खुलासा, म्हणाले 'द फॅमिली मॅन ३'मध्ये...
वेब सीरिज 'द फॅमिली मॅन २'मध्ये अभिनेता मनोज बाजपेयीनं 'टास्क' एजन्ट आणि अॅनालिस्ट श्रीकांत तिवारीची भूमिका साकारली आहे. तर दाक्षिणात्य अभिनेत्री सामंथा अक्कीनेनीनं दहशतवादी राजलक्ष्मी अर्थात 'राजी'ची भूमिका साकारली आहे. याशिवाय या वेब सीरिजमध्ये शारिब हाश्मी, नीरज माधव, पवन चोप्रा, गुल पनाग, श्रेया धनवंतरि, प्रियामणि, सीमा बिस्वास, दर्शन कुमार, शरद केळकर, सनी हिंदुजा, शहाब अली आणि वेदांत सिन्हा या कलाकारांच्याही महत्त्वपूर्ण भूमिका आहेत.