लाखो तरुणींच्या हृदयाची धडधड असलेला विकी कौशल आहे एवढ्या संपत्तीचा मालक

मुंबई: बॉलिवूडमध्ये दरवर्षी नवे चेहरे येतात. काही इथे टिकून राहतात. तर काहींना मात्र फार कमी कालावधीतच बॉलिवूड रामराम ठोकावा लागतो. बॉलिवूड अभिनेता असा एक अभिनेता आहे ज्यानं आपल्या उत्तम अभिनय कौशल्याच्या जोरावर बॉलिवूड मध्ये आपलं वेगळं स्थान निर्माण केलं. 'उरी' चित्रपटातून बॉलिवूडमध्ये पदार्पण करणाऱ्या विकीचा पहिलाच चित्रपट तुफान गाजला. खरं तर उरी त्याच्या पहिला चित्रपट नव्हता. पण मुख्य भूमिकेतील कलाकार म्हणून त्याचा उरी हा पहिला वहिला चित्रपट होता आणि या चित्रपटातील विकीच्या अभिनयला प्रेक्षकांनी अक्षरशः डोक्यावर घेतलं. आज विकीचा ३३ वा वाढदिवस आहे. त्यानिमित्तानं जाणून घेऊयात त्याच्याबद्दल माहीत नसलेल्या काही गोष्टी आणि त्याच्या एकूण संपतीविषयी...


बॉलिवूडचा येत्या काळातील उभारता सितारा म्हणून ओळखल्या जाणाऱ्या विकी कौशलचे जगभरात असंख्य चाहते आहे. सोशल मीडियावरही त्याचा मोठा चाहतावर्ग आहे. लाखो तरूणींच्या हृदयाची धडकन असलेला विकी कौशल कोट्यवधीच्या संपत्तीचा मालक आहे. विकी कौशल हा स्टंटमॅन शाम कौशल यांचा मुलगा आहे. पण आपल्या मुलानं बॉलिवूडमध्ये एंट्री करावी असं त्यांना कधीच वाटत नव्हतं. विकीनं मुंबईमध्ये त्याचं इंजिनियरिंग पूर्ण केलं. त्यानंतर त्यानं 'गँग्स ऑफ वासेपुर'साठी अनुराग कश्यप यांनी असिस्ट केलं याशिवाय काही चित्रपटांध्ये छोट्या मोठ्या भूमिका साकारल्या.

थोरली बहीण अभिमानाची! उषा मंगेशकरांनी जागवल्या जुन्या आठवणी


विकी कौशलचा मसान हा चित्रपट २०१५ मध्ये रिलीज झाला होता. ज्या चित्रपटाची सोशल मीडियावर खूप चर्चा झाली. या चित्रपटानं अनेक पुरस्कार जिंकले. विकीच्या अभिनयानं प्रेक्षकांची मनं जिंकली. त्यानंतर 'रमन राघव २.०' आणि 'संजू' अशा काही चित्रपटांमध्ये सहाय्यक कलाकराच्या भूमिका साकारल्यानंतर त्याला 'उरी' चित्रपटासाठी विचारणा झाली. या चित्रपटात तो पहिल्यांदा लीड रोलमध्ये दिसला आणि या चित्रपटात विकीचा दमदार अभिनय प्रेक्षकांना पाहता आला. या चित्रपटाला राष्ट्रीय पुरस्कार मिळाला.


विकी कौशलच्या कमाईबद्दल बोलायचं तर त्यानं आतापर्यंत अनेक जाहिरातींसाठी काम केलं आहे. याशिवाय त्याचे चित्रपट हे त्याच्या कमाईचं मुख्य साधन आहे. सूत्रांच्या माहितीनुसार एका मागोमाग एक सुपरहिट चित्रपट देणारा विकी कौशल एका चित्रपटासाठी तब्बल ३ कोटी रुपये एवढं मानधन आकारतो. २०१९ मध्ये फोर्ब्सनं जाहीर केलेल्या १०० भारतीय सेलिब्रेटींच्या यादीत विकीचा समावेश होता. ज्यात त्याची एका वर्षाची कमाई आणि एकूण संपतीचा उल्लेख करण्यात आला होता. विकीची एकूण संपत्ती २२ कोटी रुपये एवढी आहे. याशिवाय एका जाहिरातीसाठी विकी जळपास २-३ कोटी रुपये एवढी फी आकारतो. विकीकडे स्वतःचं कार कलेक्शन आहे. ज्यात Mercedes Benz GLC SUV कार तसेच काही अन्य कार्सचा समावेश आहे.

राकेश रोशन यांना भोवली अबू सालेमची नाराजी, झाला होता हल्ला


विकी कौशलच्या कामाबद्दल बोलायचं तर येत्या काळात त्यांचाकडे बरेच चित्रपट आहेत. ज्यात 'द इम्मॉर्टल अश्वत्थामा', 'सरदार उधम सिंग' 'सॅम माणेकशॉ' या चित्रपटांचा समावेश आहे. त्याच्या या चित्रपटांबाबत प्रेक्षकांमध्ये बरीच उत्सुकता आहे. आगामी काळात हे चित्रपट रिलीज होण्याची शक्यता आहे.