करीनानंतर आता विराटने शेअर केला वामिकाचा फर्स्ट लूक, म्हणाला- आईसारखी..

मुंबई- आज जागतिक महिला दिनाच्या निम्मिताने अनेक कलाकार सोशल मीडियावर त्यांची मतं मांडताना दिसतायत. काहींनी त्यांच्या आयुष्यातील खास असणाऱ्या महिलांसोबतचे फोटो सोशल मीडियावर शेअर केले आहेत. प्रत्येकजण त्यांच्या पद्धतीने महिला दिनाच्या शुभेच्छा देताना दिसतोय. नुकताच बॉलिवूड अभिनेत्री करीना कपूरने तिच्या बाळासोबतचा फोटो सोशल मीडियावर शेअर करत महिला दिनाच्या शुभेच्छा दिल्या होत्या. करीनानंतर आता भारतीय क्रिकेटपटू विराट कोहलीने आगळ्यावेगळ्या पद्धतीने महिला दिनाच्या शुभेच्छा दिल्या आहेत. त्याने त्याच्या मुलीचा फोटो सोशल मीडियावर शेअर करत त्यासोबत तिच्यासाठी मेसेज लिहिला आहे.

जसप्रीत- अनुपमाच्या लग्नावर अभिनेत्रीच्या आईने केला खुलासा

विराटने त्याची पत्नी अनुष्का शर्मा आणि मुलगी वामिकाचा फोटो त्याच्या इन्स्टाग्राम अकाउंटवर शेअर केला आहे. त्यासोबत त्याने अत्यंत सुंदर असा मेसेजदेखील लिहिला आहे. त्याने फोटोसोसोबत लिहिलं, 'कोणत्याही व्यक्तीसाठी एखाद्या बाळाला जन्म घेताना बघणं हा एक अत्यंत सुंदर, अविस्मरणीय आणि आश्चर्यकारक अनुभव असतो. ते दृश्य पाहिल्यावर तुम्हाला जाणीव होते की महिलांमध्ये किती प्रचंड शक्ती असते. आणि देवाने त्यांनाच नवीन जीव जन्माला घालण्याची देणगी का दिली. कारण त्या पुरुषांपेक्षा जास्त मजबूत असतात. माझ्या आयुष्यातील सगळ्यात मजबूत, धाडसी आणि दयाळू महिलेला आणि जी मोठी होऊन तिच्या आईसारखी बनेल तिलाही महिला दिनाच्या खूप शुभेच्छा. त्यासोबत दुनियेतील प्रत्येक महिलेला महिला दिनाच्या शुभेच्छा.'



असं लिहत विराटने एक सुंदरसा फोटो चाहत्यांसोबत शेअर केला. ज्यात वामिका अनुष्काच्या कुशीत आहे आणि तिच्यासोबत खेळतेय. ११ जानेवारी २०२१ रोजी विराट आणि अनुष्काला मुलगी झाली होती. त्यांनी नवजात मुलीला हातात घेऊन फोटो शेअर करत तिच्या जन्माची बातमी चाहत्यांसोबत शेअर केली होती. अजून तरी त्यांनी त्यांच्या मुलीचा चेहरा सर्वांसमोर आणला नाहीये. ते दोघेही तिला सोशल मीडियापासून दूर ठेवण्याचा प्रयत्न करताना दिसतात.

ठरलं! 'या' दिवशी जितेंद्र जोशीचा 'गोदावरी' चित्रपट येतोय तुमच्या भेटीला