मुंबई: बॉलिवूड अभिनेत्री लवकरच बहुचर्चित 'थलायवी' चित्रपटातून प्रेक्षकांच्या भेटीला येणार आहे. नुकताच या चित्रपटाचा ट्रेलर रिलीज झाला. ज्याची चर्चा सोशल मीडियावर होताना दिसत आहे. या चित्रपटातील कंगनाचा लुक आणि अभिनय दोन्हींच कौतुक होत आहे. आज कंगनाच्या वाढदिवसाचं निमित्त साधून या चित्रपटाचा ट्रेलर चेन्नई येथे रिलीज करण्यात आला. ज्या ठिकाणी कंगना आणि चित्रपटाची टीम उपस्थित होती. पण एक वेळ अशी आली की या कार्यक्रमात कंगनाला अचानक रडू कोसळलं. तिचा हा व्हिडीओ सध्या सोशल मीडियावर व्हायरल होताना दिसत आहे. सोशल मीडियावर व्हायरल होणारा हा व्हिडीओ कंगनानं तिच्या ट्विटरवरही शेअर केला आहे. ज्यात कॅप्शनमध्ये तिनं लिहिलं, 'मी स्वतःला बब्बर शेरनी म्हणते. कारण मी कधीच रडत नाही. किंवा मला कोणी रडवावं अशी संधी मी कोणाला देत नाही. मला आठवत पण नाही की मी शेवटची कधी रडले होतं. पण आज मी रडले... खूप रडले आणि मला आता खूप छान वाटत आहे.'
या व्हिडीओमध्ये कंगना तिचा चित्रपट 'थलायवी'चे दिग्दर्शक विजय यांचं कौतुक करत आहे. विजय यांच्याबद्दल बोलताना कंगना म्हणाली, 'विजय यांनी संपूर्ण चित्रिकरणाच्या वेळी मला खूप मदत केली. त्यांनी मला या गोष्टीची जाणीव करून दिली की, माझ्यात एवढं कौशल्य आणि कुवत आहे की मी ही एवढी कठीण भूमिका साकारू शकते.'
कंगनाची मुख्य भूमिका असलेला 'थलायवी' हा चित्रपट तमिळनाडूच्या दिवंगत मुख्यमंत्री जे. जयललिता यांच्या आयुष्यावर आधारित आहे. या चित्रपटात अरविंद स्वामी आणि प्रकाश राज यांच्याही महत्त्वपूर्ण भूमिका आहेत. हा चित्रपट येत्या २३ एप्रिलला हिंदीसोबतच तमिळ, तेलुगू, कन्नड आणि मल्याळम या भाषांमध्येही रिलीज होणार आहे.
या व्हिडीओमध्ये कंगना तिचा चित्रपट 'थलायवी'चे दिग्दर्शक विजय यांचं कौतुक करत आहे. विजय यांच्याबद्दल बोलताना कंगना म्हणाली, 'विजय यांनी संपूर्ण चित्रिकरणाच्या वेळी मला खूप मदत केली. त्यांनी मला या गोष्टीची जाणीव करून दिली की, माझ्यात एवढं कौशल्य आणि कुवत आहे की मी ही एवढी कठीण भूमिका साकारू शकते.'
कंगनाची मुख्य भूमिका असलेला 'थलायवी' हा चित्रपट तमिळनाडूच्या दिवंगत मुख्यमंत्री जे. जयललिता यांच्या आयुष्यावर आधारित आहे. या चित्रपटात अरविंद स्वामी आणि प्रकाश राज यांच्याही महत्त्वपूर्ण भूमिका आहेत. हा चित्रपट येत्या २३ एप्रिलला हिंदीसोबतच तमिळ, तेलुगू, कन्नड आणि मल्याळम या भाषांमध्येही रिलीज होणार आहे.