२७ महिलांचे खून आणि एक किलर, दबंग सोनाक्षी लावणार का केसचा छडा; Dahaad चा दमदार ट्रेलर

मुंबई: वेगवेगळ्या विषयांवरील वेब सीरिजना नेहमीच प्रेक्षकपसंती मिळते. त्यातही रहस्य, गुन्हेगारीविश्वावर आधारित सीरिज लक्षवेधी ठरतात. अशीच एक नवीन वेब सीरिज लवकरच प्रेक्षकांच्या भेटीस येणार आहे. सोनाक्षी सिन्हा अभिनित 'दहाड' या सीरिजचा टीझर काही दिवसांपूर्वी प्रदर्शित करण्यात आला होता. आता या सीरिजचा ट्रेलर प्रेक्षकांच्या भेटीला आलाय.
पोलिस व्हायचं होतं, झाला डॉन! कशी झाली अंकुशची नागराजच्या झुंडमध्ये एन्ट्री, भन्नाट आहे किस्सा
सोनाक्षीच्या 'दहाड' चा ट्रेलर प्रदर्शित होताच चर्चेत आला आहे. सीरिजमध्ये सोनाक्षी महिला पोलीस अधिकारी अंजली भाटी ही भूमिका साकारताना दिसणार आहे. या सीरिजच्या निमित्तानं ती ओटीटीविश्वात (ओव्हर द टॉप) पदार्पण करतेय. तिच्यासह या सीरिजमध्ये विजय वर्मा, गुलशन देवैया आणि सोहम शाह हे कलाकारसुद्धा महत्त्वपूर्ण भूमिका साकारताना दिसणार आहेत.

काय आहे कथानक?
२७ महिलांच्या हत्याकांडामागचं कोडं सोनाक्षी या सीरिजमध्ये सोडवताना दिसणार आहे. एका बेपत्ता मुलीचा शोध घेताना २७ महिलांच्या खूनाची माहिती समोर येते; पण याबाबत एकही तक्रार नोंदविण्यात येत नाही; असं ट्रेलर दाखवलं गेलंय. या संपूर्ण प्रकरणाचा तपास पोलीस अधिकारीच्या भूमिकेत असलेली सोनाक्षी करताना दिसणार आहे. विजय वर्मा हाच यामागचा चेहरा असल्याचा सोनाक्षीला संशय आहे. पण त्याच्या विरोधात एकही पुरावा नसल्याचं दाखवण्यात आलं आहे.

ट्रेलरमध्ये सीनमध्ये वर्दीतल्या सोनाक्षी सिन्हाला काही पुरुष मंडळी, मुलं चिडवताना दाखवण्यात आलाय. त्यामुळं एक महत्त्वाचा मुद्दा अधोरेखीत होतोय. तर सार्वजनिक शौचालयात अनेक महिलांचे मृतदेह आढळून आल्यानंतर या प्रकरणाचा तपास सोनाक्षी म्हणजेच अंजली भाटी हिच्याकडं देण्यात येतो. तेव्हा तिला समजतं की, हे प्रकरण महिलांच्या आत्महत्येचं नसून याच्यामागं एक सीरियल किलर आहे. सीरियल किरल आणि पोलिस अधिकाऱ्याच्या अवतीभवती या सीरिजचं कथानक फिरणार आहे.

सीरिजचा ट्रेलर बघून सोनाक्षीच्या नव्या हट के भूमिकेचं प्रेक्षकांसह मनोरंजनविश्वातूनही कौतुक होतंय.
२७ मुलींची आत्महत्या, ज्याचा सूड घेतला एकीने, काळीज घट्ट करून पाहा सोनाक्षीच्या Dahaad चा टीझर
पाहा ट्रेलर:
केव्हा होणार प्रदर्शित?
सोनाक्षी आणि विजय वर्माची दहाड ही वेब सीरिज १२ मे पासून प्रेक्षकांच्या भेटीला येणार आहे.