मुंबई- बॉलिवूडचा किंग खान अर्थात शाहरुख खान यानं 'पठाण' सिनेमातून मोठ्या पडद्यावर पुन्हा एकदा दणदणीत पुनरागमन केलं आहे. या सिनेमानं बॉक्स ऑफिसवर केवळ ३८ दिवसांत देशात ५०६ कोटी रुपयांची घसघशीत कमाई केली आहे.तर वर्ल्डवाईड पातळीवर या सिनेमानं १०२७ कोटी रुपयांची दणकून कमाई केली आहे. सिद्धार्थ आनंद यानं दिग्दर्शित केलेल्या सिनेमानं अनेक सिनेमांच्या कमाईचे विक्रम मोडले आहेत. आता हा सिनेमा प्रदर्शित होऊन एक महिना झाला. त्यामुळे शाहरुखच्या चाहत्यांचं लक्ष आता हा सिनेमा ओटीटीवर कधी प्रदर्शित याकडे लागलं आहे. दरम्यान, सिनेमाच्या निर्मात्यांनी हा सिनेमा ओटीटीवर कधी प्रदर्शित होणार याची अधिकृत घोषणा अद्याप केलेली नाही. परंतु हा सिनेमा लवकरच ओटीटीवर येणार असल्याची जोरदार चर्चा सुरू आहे. यशराज फिल्म्सची निर्मिती असलेला स्पाय अॅक्शन 'पठाण' सिनेमात शाहरुख खानबरोबर दीपिका पादुकोण आणि जॉन अब्राहम देखील आहे. या सिनेमात सलमान खान पाहुण्या कलाकाराच्या रुपात आहे. हा सिनेमा २५ जानेवारी रोजी प्रदर्शित झाल्यानंतर शाहरुखच्या चाहत्यांनी एकच जल्लोष केला होता.
काय आहे पठाण सिनेमात
यशराजच्या स्पाय युनिव्हर्सचा पठाण हा सिनेमा आहे. टायगर आणि वॉर नंतर पठाण सिनेमाचं कथानकदेखील रॉ एजेंटवर आधारीत आहे. पठाण नावाचा एजंट आपल्या भूतकाळाबरोबर लढत आहे शिवाय स्वतःला सिद्ध करण्याबरोबरच तो देशसेवादेखील करत आहे. देशावर येणारं दहशतवाद्यांचं संकट रोखण्याचा तो प्रयत्न करत आहे. या कामात त्याला दीपिका पादुकोणची साथ मिळते.
पठाण कधी होणार प्रदर्शित
पठाण सिनेमा आजही चित्रपटगृहांमध्ये भरभरून कमाई करत आहे. त्यामुळे निर्मात्याचं लक्ष त्यावर अधिक आहे. दरम्यान, हा सिनेमा अमेझॉन प्राईमवर प्रदर्शित होणार आहे. ओटीटी प्लॅटफॉर्म आणि निर्मात्यांमध्ये १०० कोटी रुपयांचा व्यवहार झाल्याचं सांगितलं जात आहे. हा सिनेमा २५ एप्रिल रोजी ओटीटीवर प्रदर्शित होण्याची शक्यता आहे.
काय आहे पठाण सिनेमात
यशराजच्या स्पाय युनिव्हर्सचा पठाण हा सिनेमा आहे. टायगर आणि वॉर नंतर पठाण सिनेमाचं कथानकदेखील रॉ एजेंटवर आधारीत आहे. पठाण नावाचा एजंट आपल्या भूतकाळाबरोबर लढत आहे शिवाय स्वतःला सिद्ध करण्याबरोबरच तो देशसेवादेखील करत आहे. देशावर येणारं दहशतवाद्यांचं संकट रोखण्याचा तो प्रयत्न करत आहे. या कामात त्याला दीपिका पादुकोणची साथ मिळते.
पठाण कधी होणार प्रदर्शित
पठाण सिनेमा आजही चित्रपटगृहांमध्ये भरभरून कमाई करत आहे. त्यामुळे निर्मात्याचं लक्ष त्यावर अधिक आहे. दरम्यान, हा सिनेमा अमेझॉन प्राईमवर प्रदर्शित होणार आहे. ओटीटी प्लॅटफॉर्म आणि निर्मात्यांमध्ये १०० कोटी रुपयांचा व्यवहार झाल्याचं सांगितलं जात आहे. हा सिनेमा २५ एप्रिल रोजी ओटीटीवर प्रदर्शित होण्याची शक्यता आहे.