आता 'तू मी आणि पुरणपोळी' सोबत रंगणार ओम-स्वीटूची लवस्टोरी

मुंबई : सुखाचे-हक्काचे माहेर सोडून मुलगी एका वेगळ्याच कुटुंबात प्रवेश करते. असे घर जे इथून पुढे तिचे होणार असते. या प्रवासात तिला पतीची साथ असली तरी एका जिवाभावाच्या मैत्रिणीची तिला कायमच उणीव भासत असते. अशावेळी सासूच जर तिची सखी झाली तर नात्यांचा गोडवा अधिकच वाढतो आणि घराचे गोकुळ होते. अशाच एका गोड नात्याची कथा सांगणारी 'येऊ कशी तशी मी नांदायला' ही मालिका झी मराठीवर आली आणि अल्पावधीतच लोकप्रियतेच्या शिखरावर पोहोचली.
रसिक प्रेक्षकांनी मालिकेला आणि त्यातील नलू मावशी, दादा, चिन्या, शकू मावशी, मालविका, रॉकी या पात्रांना प्रेक्षकांचं भरभरून प्रेम मिळत आहे. अन्विता फलटणकर आणि शाल्व किंजवडेकर या फ्रेश जोडीने तरुणाईवर छाप सोडली आहे. प्रत्येक पावलावर स्वीटूला मदत करणारा आणि तिच्या सोबत सावलीसारखा उभा राहणारा ओम या दोघांमध्ये घट्ट मैत्री आहे. ओम आणि स्वीटूच्या मैत्रीचे प्रेमात रूपांतर होताना दिसत आहे.

'करोना काळात मराठी कलाकारांनी केलेल्या मदतीवर शंका घेऊ नका'

आता याचाच पुढचा टप्पा 'तू मी आणि पुरणपोळी' १६ मे रोजा संध्याकाळी ७ वाजता चित्रपट रूपात प्रेक्षकांसमोर येणार आहे. आता काय असणार या तू मी आणि पुरणपोळीमध्ये. थोडी उत्सुकता ताणून ठेवा आणि हा भाग पाहायला विसरू नका. या मालिकेमध्ये अन्विता पाटणकर, शाल्व किंजवडेकर यांच्यासह शुभांगी गोखले, आदिती सारंगधर, निखील राऊत, दिप्ती केतकर, त्रियुग मंत्री, उदय साळवी हे कलाकार काम करत आहेत.