शिरा आपण नेहमीच खातो. मात्र त्याच त्याच पद्धतीचा शिरा खाऊन अनेकदा आपल्याला कंटाळा येतो. अशा वेळी त्या-त्या मोसमात मिळणारी फळं टाकून शिरा करावा. म्हणजे शिऱ्याला मस्त रंग तर येतोच, शिवाय वेगळी चवही मिळते! बाजारात अजून आंबे मिळत असल्यामुळे आज खास आंब्याच्या शिऱ्याची ही रेसिपी-
साहित्य - एक वाटी रवा, एक वाटी तूप, एक वाटी साखर, एक वाटी हापूसच्या आंब्याच्या फोडी, दोन वाट्या दूध, आवडीनुसार थोड्याशा मनुका किंवा काजू व बदामाचे पातळ काप.
कृती - प्रथम मंद आचेवर एका पातेल्यात दूध गरम करुन घ्यावे. नंतर कढईत तूप गरम करून त्यात रवा चांगला भाजून घ्यावा. मग भाजलेल्या रव्यात आंब्याच्या फोडी घालून हलक्या हाताने परतावे. नंतर गरम केलेले दूध त्यात घालावे. दूध चांगले सुकल्यावर त्यात आपल्या आवडीनुसार मनुका किंवा बदाम, पिस्ते यांचे तुकडे घालावेत. मग साखर घालावी. ती व्यवस्थित एकत्र करून, गॅस बारीक करून कढईवर साधारणत: पाच मिनिटे झाकण ठेवावे. नंतर गॅस बंद करून, झाकण काढावे व मिश्रण चांगले ढवळून घ्यावे. झाला मस्त मँगो शिरा तयार!
- माधुरी र. साठे, डोंबिवली
साहित्य - एक वाटी रवा, एक वाटी तूप, एक वाटी साखर, एक वाटी हापूसच्या आंब्याच्या फोडी, दोन वाट्या दूध, आवडीनुसार थोड्याशा मनुका किंवा काजू व बदामाचे पातळ काप.
कृती - प्रथम मंद आचेवर एका पातेल्यात दूध गरम करुन घ्यावे. नंतर कढईत तूप गरम करून त्यात रवा चांगला भाजून घ्यावा. मग भाजलेल्या रव्यात आंब्याच्या फोडी घालून हलक्या हाताने परतावे. नंतर गरम केलेले दूध त्यात घालावे. दूध चांगले सुकल्यावर त्यात आपल्या आवडीनुसार मनुका किंवा बदाम, पिस्ते यांचे तुकडे घालावेत. मग साखर घालावी. ती व्यवस्थित एकत्र करून, गॅस बारीक करून कढईवर साधारणत: पाच मिनिटे झाकण ठेवावे. नंतर गॅस बंद करून, झाकण काढावे व मिश्रण चांगले ढवळून घ्यावे. झाला मस्त मँगो शिरा तयार!
- माधुरी र. साठे, डोंबिवली