गाजर आणि बीटची हेल्दी ड्रिंक रेसिपी

सर्वप्रथम व्हिडीओमध्ये दाखवल्याप्रमाणे गाजराचे लहान लहान तुकडे करा. गाजर मधोमध चिरुन त्यातील पिवळा भाग काढून टाका व उर्वरीत गाजराचे बारीक तुकडे करा.

महाराष्ट्र टाइम्स.कॉम

आता एक बीट स्वच्छ धुवून घ्या आणि साल काढून त्याचेही लांब आणि पातळ काप करा.

एका मोठ्या काचेच्या बरणीत ३ लीटर पाणी घेऊन त्यामध्ये गाजराचे तुकडे, बीट, १ चमचा मीठ, १ चमचा काळं मीठ, १ चमचा लाल तिखट पावडर आणि २ चमचे बारीक कुटलेली मोहरी घालून सर्व सामग्री व्यवस्थित ढवळून मिक्स करा.

आता ही बरणी एका पातळ कपड्याने झाकून त्यावर बारीक छिद्र असलेले झाकण लावा. हे पेय ४ ते ५ दिवस दररोज चमच्याने दिवसातून एकदा ढवळा.

पेय चांगली मिक्स होण्यासाठी तुम्ही ही बरणी २ ते ३ दिवस सुर्यप्रकाशात ठेऊ शकता. तयार झालाय आपला स्वादिष्ट आणि हेल्दी गाजर आणि बीटचा ज्यूस!

​व्हिडीओमध्ये दिलेली पद्धत फॉलो करुन बनवा गाजर आणि बीटाचे हेल्दी आणि स्वादिष्ट पेय!