साऊथ इंडियन इडलीला चायनीज तडका!

सांबार सोबत इडलीचा स्वाद अनेकदा आपण घेतोच. पण या साऊथ इंडियन डिशला थोडा चायनीज तडका दिला तर?! इडली मंच्युरियन ही चटपटीत रेसिपी बनवता येऊ शकते. चायनीज फूड आवडणाऱ्यांसाठी पाहा एकदा बनवून टेस्टी इडली मंच्युरियन!

साहित्य:
१० इडल्या, अर्धा कप कॉर्नफ्लॉवर, अर्धा कप मैदा, १ चमचा सोया सॉस, अर्धा चमचा आले-लसूण पेस्ट, तेल

ग्रेव्ही बनविण्यासाठी साहित्य:
कांदा, हिरवी मिरची, आल्याचा छोटा तुकडा, शिमला मिरची, सोया सॉस, तेल, कॉर्नफ्लॉवर, १ कप चिरलेली कांद्याची पात

कृती:
१. सर्वात प्रथम इडलीचे छोटे काप करून घ्या.
२. मैदा, कॉनफ्लॉवर, आले-लसूण पेस्ट, मीठ एकत्र करून त्यात थोडे पाणी घालून मिक्सरमध्ये पेस्ट तयार करून घ्या.
३. तयार पेस्टमध्ये इडलीचे काप बुडवून ते तळून घ्या.
४. नंतर कांदा, हिरवी मिरची आले, शिमला मिरची बारीक चिरून घ्या.
५. एका कढईत थोडे तेल टाकून त्यात वरील साहित्य परतून घ्या.
६. मग त्यात सोया सॉस आणि तळलेल्या इडलीचे काप घाला.
७. २ कप पाण्यात कॉर्नफ्लॉवर मिसळून ते वरील मिश्रणात घालून उकळी येऊ द्या.
८. चांगली उकळी फुटली की, गॅस बंद करून वरून चिरलेला पातीचा कांदा घालून गरमगरम इडली मंच्युरियन सर्व्ह करा.