स्वादिष्ट मखाना चिक्की रेसिपी!

मखाना चिक्की हा कधीही आणि कोणत्याही वेळी झटपट बनवून खाल्ला जाणारा एक परफेक्ट चविष्ट खाद्यपदार्थ आहे. साधारणत: हा गोड खाद्यपदार्थ लोहरी, पोंगल आणि मकर संक्रात या सणांच्या दिवशी मोठ्या प्रमाणात बनवला जातो. तसंच घरात होणा-या पुजाअर्चा समयी प्रसाद म्हणून देखील ही रेसिपी बनवली जाते. खुसखुशीतपणा, गोडपणा आणि सर्वोत्कृष्ट स्वाद या खासियतीमुळे मखाना चिक्की लहान मुलांसोबतच प्रौढ व्यक्तींमध्येही खूपच लोकप्रिय आहे. अशा या स्वादिष्ट आणि पौष्टिक मखाना चिक्कीमध्ये कॅल्शियमची भरपूर मात्रा असून ती आपल्या स्नायूंच्या पेशी मजबूत ठेवण्याचं देखील काम करते. चला तर मग वाट कसली पाहताय? जाणून घ्या पौष्टिक आणि चविष्ट अशी मखाना चिक्की बनवण्याची सोपी पद्धत!