श्वेता मेहेंदळे, अभिनेत्री
आजीच्या हातची पुरणपोळी, सासूबाईंनी तयार केलेल्या नारळाच्या वड्या आणि मुंबई- पुण्यातील फूड जॉइंट्स हे माझ्या खवय्येपणाची साक्ष देणारे आहेत.
क्लास! या एका शब्दात वर्णन करता येईल, आजीच्या हाताच्या पुरणपोळीचं. पिवळ्याजर्द पोळीत रेशमासारखं मऊ पुरण स्वतःला अस्सं काही सामावून घ्यायचं, की नेमका शब्दात मांडणंदेखील कठीण. गरमागरम पुरणपोळी आणि तिच्यावर साजूक तुपाची धार... क्लास!
आईसुद्धा सुगरण. ब्राह्मणी स्वयंपाकात अव्वल. साधा वरण- भात असो किंवा उसळ, आमटी, पदार्थ गोडाचा असो, की तिखटाचा, फराळ असो, की मोदकापासून पुरणा-वरणाचा स्वयंपाक. ती सारं काही रुचकर आणि चविष्ट करते. आजसुद्धा लाड करवून घ्यायचे असतील, तर मी माहेरी जाते. मग माझ्या आवडीच्या साऱ्या पदार्थांचं कॅलेंडर तयार होतं. फूल टु धम्माल.
लग्न करून राहुलकडे आले आणि ते ‘सोने पे सुहागा’ म्हणतात ना, तस्सं झालं; कारण माझ्या सासूबाई अप्रतिम स्वयंपाक करतात. तोंडात विरघळणाऱ्या नारळाच्या वड्या कराव्यात, तर त्यांनीच. अंड्याची आमटी इतकी भन्नाट होऊ शकते, हे मला त्यांच्या हातचं खाल्यानंतर कळलं. मी लग्न करून आले, तेव्हा सासूबाईंनी मला प्रचंड पाठिंबा दिला. आईच्या मायेनं सारं शिकवलं. हळूहळू सगळं शिकत गेले आणि पारंगतही झाले. आमच्या आर्यला माझ्या हातचे केक्स आणि ब्राउनी सॉलिड आवडतात. अरे, हो आणि एक... राहुल जगातला सर्वांत बेस्ट चहा बनवू शकतो.
एखाद्या दिवशी मूड आला, तर आम्ही एकदम सकाळी सकाळी ड्राइव्हला निघतो आणि ग्रॅन्टरोडच्या मेरवानसमध्ये मावा केक, ब्रूनमस्का, ऑम्लेटचा ब्रेकफास्ट करतो, तर कधी पार्ल्याच्या रामकृष्णमध्ये वाफाळती इडली, कुरकुरीत डोसा असा बेत असतो. राजस्थानी थाळी तर मला फारच आवडते. पुण्याला आलं, की निरनिराळ्या फूड जॉइंट्सना भेट देतो.. खूप खूप भारी वाटतं. माझी सर्वांत लाडकी आहे ती जर्मन बेकरी. तिथला प्रत्येक पदार्थ ‘सुपर्ब’ असतो.
चॉकलेट ब्राउनी
साहित्यः डार्क चॉकलेट १०० ग्रॅम, एक कप मैदा, एक टेबलस्पून बेकिंग पावडर, अर्धा कप अक्रोड, ९० ग्रॅम बटर, एक कप पिठीसाखर, दोन अंडी, एक टेबलस्पून व्हॅनिला
कृतीः चॉकलेट आणि बटर एकत्र करून डबल बॉयलरवर वितळवून घ्या. साखर, अंडी आणि व्हॅनिला एकत्र करून फेटा. मैदा आणि बेकिंग पावडर एकत्र चाळून वरील मिश्रणात घाला. अक्रोडाचे तुकडे करून घाला. मिश्रण बेकिंग पॅनमध्ये ओता. त्याआधी पॅनला तेल लावून घ्या. ओव्हन १८० अंश सेल्सिअसवर गरम करा. ४५ मिनिटं बेक करा. गार झाल्यावर चौकोनी तुकडे करा आणि सर्व्ह करा.
(शब्दांकन : निनाद पाटील)
आजीच्या हातची पुरणपोळी, सासूबाईंनी तयार केलेल्या नारळाच्या वड्या आणि मुंबई- पुण्यातील फूड जॉइंट्स हे माझ्या खवय्येपणाची साक्ष देणारे आहेत.
क्लास! या एका शब्दात वर्णन करता येईल, आजीच्या हाताच्या पुरणपोळीचं. पिवळ्याजर्द पोळीत रेशमासारखं मऊ पुरण स्वतःला अस्सं काही सामावून घ्यायचं, की नेमका शब्दात मांडणंदेखील कठीण. गरमागरम पुरणपोळी आणि तिच्यावर साजूक तुपाची धार... क्लास!
आईसुद्धा सुगरण. ब्राह्मणी स्वयंपाकात अव्वल. साधा वरण- भात असो किंवा उसळ, आमटी, पदार्थ गोडाचा असो, की तिखटाचा, फराळ असो, की मोदकापासून पुरणा-वरणाचा स्वयंपाक. ती सारं काही रुचकर आणि चविष्ट करते. आजसुद्धा लाड करवून घ्यायचे असतील, तर मी माहेरी जाते. मग माझ्या आवडीच्या साऱ्या पदार्थांचं कॅलेंडर तयार होतं. फूल टु धम्माल.
लग्न करून राहुलकडे आले आणि ते ‘सोने पे सुहागा’ म्हणतात ना, तस्सं झालं; कारण माझ्या सासूबाई अप्रतिम स्वयंपाक करतात. तोंडात विरघळणाऱ्या नारळाच्या वड्या कराव्यात, तर त्यांनीच. अंड्याची आमटी इतकी भन्नाट होऊ शकते, हे मला त्यांच्या हातचं खाल्यानंतर कळलं. मी लग्न करून आले, तेव्हा सासूबाईंनी मला प्रचंड पाठिंबा दिला. आईच्या मायेनं सारं शिकवलं. हळूहळू सगळं शिकत गेले आणि पारंगतही झाले. आमच्या आर्यला माझ्या हातचे केक्स आणि ब्राउनी सॉलिड आवडतात. अरे, हो आणि एक... राहुल जगातला सर्वांत बेस्ट चहा बनवू शकतो.
एखाद्या दिवशी मूड आला, तर आम्ही एकदम सकाळी सकाळी ड्राइव्हला निघतो आणि ग्रॅन्टरोडच्या मेरवानसमध्ये मावा केक, ब्रूनमस्का, ऑम्लेटचा ब्रेकफास्ट करतो, तर कधी पार्ल्याच्या रामकृष्णमध्ये वाफाळती इडली, कुरकुरीत डोसा असा बेत असतो. राजस्थानी थाळी तर मला फारच आवडते. पुण्याला आलं, की निरनिराळ्या फूड जॉइंट्सना भेट देतो.. खूप खूप भारी वाटतं. माझी सर्वांत लाडकी आहे ती जर्मन बेकरी. तिथला प्रत्येक पदार्थ ‘सुपर्ब’ असतो.
चॉकलेट ब्राउनी
साहित्यः डार्क चॉकलेट १०० ग्रॅम, एक कप मैदा, एक टेबलस्पून बेकिंग पावडर, अर्धा कप अक्रोड, ९० ग्रॅम बटर, एक कप पिठीसाखर, दोन अंडी, एक टेबलस्पून व्हॅनिला
कृतीः चॉकलेट आणि बटर एकत्र करून डबल बॉयलरवर वितळवून घ्या. साखर, अंडी आणि व्हॅनिला एकत्र करून फेटा. मैदा आणि बेकिंग पावडर एकत्र चाळून वरील मिश्रणात घाला. अक्रोडाचे तुकडे करून घाला. मिश्रण बेकिंग पॅनमध्ये ओता. त्याआधी पॅनला तेल लावून घ्या. ओव्हन १८० अंश सेल्सिअसवर गरम करा. ४५ मिनिटं बेक करा. गार झाल्यावर चौकोनी तुकडे करा आणि सर्व्ह करा.
(शब्दांकन : निनाद पाटील)