बेसन हलव्याची रेसिपी

पॅनमध्ये एक चमचा तूप गरम करत ठेवा. तूप गरम झाल्यानंतर त्यात एक ग्लास दूध मिक्स करा. दूध थोडा वेळ उकळू द्यावे. दूध उकळल्यानंतर त्यात दूध पावडर घाला आणि मिश्रण ढवळत राहा. ही आहे इन्स्टंट खवा तयार करण्याची सोपी पद्धत.

महाराष्ट्र टाइम्स.कॉम

दुसऱ्या पॅनमध्ये तूप गरम करत ठेवा. तुपात बेसन परतून घ्या. सामग्री घट्ट होईपर्यंत तीन ते चार मिनिटांसाठी ढवळत राहा.

बेसनचा रंग बदलल्यानंतर कढईत पाणी ओता. यानंतर खवा देखील मिक्स करावा. दोन ते तीन मिनिटांसाठी सर्व सामग्री नीट ढवळत राहा म्हणजे मिश्रणात गाठी तयार होणार नाहीत. आता ३/४ (तीन चतुर्थांश) कप साखर मिक्स करा आणि हलव्यामध्ये साखर पूर्णपणे विरघळेपर्यंत सामग्री ढवळत राहा.

सर्वात शेवटी हलव्यामध्ये वेलची पूड आणि बदाम - पिस्त्याचे काप घालावेत. गरमागरम बेसन हलव्याचा आपल्या कुटुंबीयांसोबत आस्वाद घ्यावा.

undefined