नारळी दुधातील रूचकर पुलाव!

नारळी दुधातील पुलाव ही एक दक्षिण भारतीय डिश आहे. नारळाच्या दुधामुळे पुलावला एक मधुर चव येते आणि तो जास्त रुचकर लागतो... पाहा नारळाच्या दुधातल्या पुलावची ही खास रेसिपी...

साहित्य:
१ कप बासमती तांदूळ, १ कप नारळाचे दूध, २ चमचे तूप, २ लवंगा, २ वेलची, तमालपत्र, मध्यम आकारात चिरलेला १ कांदा, २ हिरव्या मिरच्या

कृती:
१. नारळ किसून त्याचे घट्टसर दूध प्रथम काढून घ्या.
२. त्या नारळाच्या दुधात बासमती तांदूळ किमान २० मिनिटे भिजवून ठेवा.
३. पॅनमध्ये तूप घालून त्यात लवंग, वेलची आणि तमालपत्र घाला
४. वरून चिरलेला कांदा आणि हिरव्या मिरच्या घालून सुवास सुटेपर्यंत परता.
५. दुधात भिजलेला तांदूळ त्यात घाला आणि वरून तांदूळ शिजण्याइतके दूध पुन्हा घालून झाकणबंद ठेवा.
६. तांदूळ नीट शिजला की, तयार झालेला पुलाव रायता आणि एखाद्या मसालेदार भाजीसोबत सर्व्ह करा.

टीप: ( तुम्हाला हवे असल्यास या पुलावात वेज पुलावाप्रमाणे आवडीच्या भाज्या उदा. शिमला मिरची, गाजर, मटार, फरसबीही घालता येऊ शकते.)