कैरी व कांद्याचे लोणचे

स्वाती मानेगावकर, रायगड

साहित्य : एक मोठी कैरी, पाच-सहा लहान आकाराचे पांढरे कांदे, मोहरीची डाळ, हळद, तिखट, मेथीदाणे, मेथीची पूड, हिंग, मीठ, मोहरी व तेल.

कृती : कैरीच्या लहान फोडी करा. कांद्याचे मधून चार काप करा. फोडणीसाठी तेल गरम करून थोडे थंड झाल्यावर त्यात थोडी मोहरी, हिंग व मेथीचे दाणे टाका. एका भांड्यात मोहरीची डाळ, मेथीचे पूड, हळद, तिखट, मीठ सगळे एकत्र करून तयार केलेली तेलाची फोडणी त्यात टाकावी. कैरीच्या फोडी या मसाल्यात टाकून मिक्स करावे. नंतर त्यात कांद्याचे काप व उरलेले फोडणीचे तेल घालून चांगले मिक्स करावे. हे लोणचे लगेच खाता येते व चार-पाच दिवस टिकते.

टीप : उन्हाळ्याच्या दिवसात कैरी व कांद्याचे लोणचे हमखास करतात.