>> विनित जांगळे
मुंबई परिसरात मांसाहारप्रिय खवय्यांच्या जिभेचे चोचले पुरविण्यासाठी विविध पर्याय उपलब्ध असतात. नागरीकरणाच्या रेट्यात वेगाने विकसित होणाऱ्या ठाणे शहरातील खवय्यांना मात्र आताआतापर्यंत कबाब, तंदूर आदी लखनवी पदार्थांसाठी मुंबईतील रेस्टॉरंट्सवर अवलंबून रहावे लागत होते. अखेरीस ठाणे शहरात खोपट रोडवरील ‘तंदूर चिली’ या रेस्टॉरंटने नावाप्रमाणेच चमचमीत लखनवी पदार्थांचा खजिनाच ठाणेकर खवय्यांसाठी खुला केल्याने त्यांची पावले मुंबईच्या रेस्टॉरंट्सकडून ‘तंदूर चिली’कडे वळू लागली आहेत.
….
सर्वसामान्य खवय्ये मांसाहारी हॉटेलमध्ये शिरताच मेन्युकार्डवर नजर फिरवत चिकन हंडी, चिकन कोल्हापुरी, चिकन हैदराबादी आदी पारंपरिक पदार्थांना पसंती देतात. त्यामुळे खवय्यांना पठडीतील पदार्थांमधून बाहेर काढत थ्री स्टार्स आणि फोर स्टार्स रेस्टॉरंट्समधील दर्जाच्या पदार्थांकडे वळविण्यासाठी नीलेश शिरोडकर आणि दीपक आंचन यांनी पाच महिन्यांपूर्वी पूर्व द्रुतगती महामार्गावरील कॅडबरी जंक्शनजवळ खोपट रोड येथे ‘तंदूर चिली’ हे रेस्टॉरंट सुरू केले. अवघ्या काही महिन्यातच ‘तंदूर चिली’बाहेरील खवय्यांची वाढत जाणारी वेटिंग लिस्ट पाहून रेस्टॉरंटच्या लोकप्रियतेचा अंदाज येतो.
मूळचा शिपिंग व्यवसाय सोडून ठाण्याच्या लोढा कॉम्प्लेक्समध्ये राहणारा नीलेश शिरोडकर आणि त्याचा मित्र दीपक आंचन यांनी हॉटेल व्यवसाय सुरू करण्याचा निर्णय घेतला. भारतातील विविध ठिकाणी फिरताना तेथील पदार्थांची चव, गुणवत्ता स्वत:च्या हॉटेलमधील खवय्यांना देण्याचा विचार या जोडगोळीच्या डोक्यात रुंजी घालत असतानाच नीलेशचे सासरे कृष्णा लोके त्यांच्या मदतीला धावून आले. मुंबईतील बड्या पंचतारांकित रेस्टॉरंटमध्ये शेफ म्हणून काम पाहिलेल्या आणि विविध देशांमध्ये फिरताना तेथील पदार्थांच्या प्रेमात पडलेल्या लोके यांचा दांडगा अनुभव ‘तंदूर चिली’च्या उभारणीत कामी आला. हॉटेल मनेजमेंट क्षेत्रात करिअर केलेल्या सिद्धेश लोके याच्या खांद्यावर तंदूर चिलीच्या व्यवस्थापनाची जबाबदारी असून त्यांनी ती लीलया पेलली आहे.
मुंबईतील भायखळा, महमंद आली रोड येथील मोघलाई आणि लखनवी पदार्थांचे बहुतांश खवय्ये चाहते असतात. तसेच थ्री स्टार्स आणि फोर स्टार्स रेस्टॉरंट्समध्ये चढ्या दरात उपलब्ध होणारे पदार्थ सर्वसामान्यांच्या खिशाला परवडत नाहीत. त्यामुळे ठाण्यातील खवय्यांना तंदूर चिलीने उतमोत्तम लखनवी, मोघलाई पदार्थांसोबत थ्री स्टार्स आणि फोर स्टार्सच्या दराहून कमी किंमतीत सुखद वातावरणात उपलब्ध करून दिले आहेत.
पठडीतील हॉटेल्सप्रमाणे भारंभार मांसाहारी पदार्थांचे मेन्यु कार्ड न बनवता खवय्यांना मोजक्याच डिशेस तंदूर चिलीमध्ये चाखायला मिळतात. विशेष म्हणजे, येथे शेफ्सच्या लखनवी, तंदूर आणि चायनीज आदी तीन प्रकारांसाठी वेगवेगळ्या टीम असून त्यात तिघांचा समावेश होतो. कमीतकमी १५ ते २० वर्षांचा अनुभव असलेले येथील शेफ्स तंदूर चिलीसाठी स्वत: मसाले तयार करून घेतात. मऊसर गलवटी कबाब, काहीसा तिखट असणारा तिलवाडा कबाब तसेच चीज कोटिंगनेयुक्त असणारा चीज कबाब हे तंदूर चिलीतील खास कबाब म्हणून ओळखले जातात. चिकनच्या ग्रेव्ही डिशेसमध्ये मुर्ग लाजवाब, मुर्ग पेशावरी तसेच येथील शेफ्सच्या संकल्पनेतून साकारलेला अंबाडे का मुर्ग हा प्रकार विशेष आहे. अंबाड्याच्या भाजीत चिकन मिक्स करून हा पदार्थ सर्व्ह केला जातो. चायनीजमधील लाल रंगाचा सॉस आणि चिकन क्यूब असणारा सोपा राईस खवय्यांच्या पसंतीस उतरल्याची माहिती तंदूर चिलीच्या नीलेश शिरोडकर यांनी 'मटा'शी बोलताना दिली.
शाकाहारींसाठी पनीर, मशरूम कबाब, अतिशे आलू, नवाबी सब शीग आदी पदार्थ तंदूर चिलीत हिट असून गोडधोड खाणाऱ्यांसाठी येथील शाही तुकडा, हनी फ्राय न्युडल्स, फिरनी तसेच मिनी फालुदाही सुपरहिट आहे. विशेष म्हणजे, ओपन कीचन असलेल्या तंदूर चिलीमध्ये किचन स्टाफकडून बनवल्या जाणाऱ्या पदार्थानाकडे पाहूनच खवय्यांच्या तोंडाला पाणी सुटतं, हेही तितकच खरं आहे.
मुंबई परिसरात मांसाहारप्रिय खवय्यांच्या जिभेचे चोचले पुरविण्यासाठी विविध पर्याय उपलब्ध असतात. नागरीकरणाच्या रेट्यात वेगाने विकसित होणाऱ्या ठाणे शहरातील खवय्यांना मात्र आताआतापर्यंत कबाब, तंदूर आदी लखनवी पदार्थांसाठी मुंबईतील रेस्टॉरंट्सवर अवलंबून रहावे लागत होते. अखेरीस ठाणे शहरात खोपट रोडवरील ‘तंदूर चिली’ या रेस्टॉरंटने नावाप्रमाणेच चमचमीत लखनवी पदार्थांचा खजिनाच ठाणेकर खवय्यांसाठी खुला केल्याने त्यांची पावले मुंबईच्या रेस्टॉरंट्सकडून ‘तंदूर चिली’कडे वळू लागली आहेत.
….
सर्वसामान्य खवय्ये मांसाहारी हॉटेलमध्ये शिरताच मेन्युकार्डवर नजर फिरवत चिकन हंडी, चिकन कोल्हापुरी, चिकन हैदराबादी आदी पारंपरिक पदार्थांना पसंती देतात. त्यामुळे खवय्यांना पठडीतील पदार्थांमधून बाहेर काढत थ्री स्टार्स आणि फोर स्टार्स रेस्टॉरंट्समधील दर्जाच्या पदार्थांकडे वळविण्यासाठी नीलेश शिरोडकर आणि दीपक आंचन यांनी पाच महिन्यांपूर्वी पूर्व द्रुतगती महामार्गावरील कॅडबरी जंक्शनजवळ खोपट रोड येथे ‘तंदूर चिली’ हे रेस्टॉरंट सुरू केले. अवघ्या काही महिन्यातच ‘तंदूर चिली’बाहेरील खवय्यांची वाढत जाणारी वेटिंग लिस्ट पाहून रेस्टॉरंटच्या लोकप्रियतेचा अंदाज येतो.
मूळचा शिपिंग व्यवसाय सोडून ठाण्याच्या लोढा कॉम्प्लेक्समध्ये राहणारा नीलेश शिरोडकर आणि त्याचा मित्र दीपक आंचन यांनी हॉटेल व्यवसाय सुरू करण्याचा निर्णय घेतला. भारतातील विविध ठिकाणी फिरताना तेथील पदार्थांची चव, गुणवत्ता स्वत:च्या हॉटेलमधील खवय्यांना देण्याचा विचार या जोडगोळीच्या डोक्यात रुंजी घालत असतानाच नीलेशचे सासरे कृष्णा लोके त्यांच्या मदतीला धावून आले. मुंबईतील बड्या पंचतारांकित रेस्टॉरंटमध्ये शेफ म्हणून काम पाहिलेल्या आणि विविध देशांमध्ये फिरताना तेथील पदार्थांच्या प्रेमात पडलेल्या लोके यांचा दांडगा अनुभव ‘तंदूर चिली’च्या उभारणीत कामी आला. हॉटेल मनेजमेंट क्षेत्रात करिअर केलेल्या सिद्धेश लोके याच्या खांद्यावर तंदूर चिलीच्या व्यवस्थापनाची जबाबदारी असून त्यांनी ती लीलया पेलली आहे.
मुंबईतील भायखळा, महमंद आली रोड येथील मोघलाई आणि लखनवी पदार्थांचे बहुतांश खवय्ये चाहते असतात. तसेच थ्री स्टार्स आणि फोर स्टार्स रेस्टॉरंट्समध्ये चढ्या दरात उपलब्ध होणारे पदार्थ सर्वसामान्यांच्या खिशाला परवडत नाहीत. त्यामुळे ठाण्यातील खवय्यांना तंदूर चिलीने उतमोत्तम लखनवी, मोघलाई पदार्थांसोबत थ्री स्टार्स आणि फोर स्टार्सच्या दराहून कमी किंमतीत सुखद वातावरणात उपलब्ध करून दिले आहेत.
पठडीतील हॉटेल्सप्रमाणे भारंभार मांसाहारी पदार्थांचे मेन्यु कार्ड न बनवता खवय्यांना मोजक्याच डिशेस तंदूर चिलीमध्ये चाखायला मिळतात. विशेष म्हणजे, येथे शेफ्सच्या लखनवी, तंदूर आणि चायनीज आदी तीन प्रकारांसाठी वेगवेगळ्या टीम असून त्यात तिघांचा समावेश होतो. कमीतकमी १५ ते २० वर्षांचा अनुभव असलेले येथील शेफ्स तंदूर चिलीसाठी स्वत: मसाले तयार करून घेतात. मऊसर गलवटी कबाब, काहीसा तिखट असणारा तिलवाडा कबाब तसेच चीज कोटिंगनेयुक्त असणारा चीज कबाब हे तंदूर चिलीतील खास कबाब म्हणून ओळखले जातात. चिकनच्या ग्रेव्ही डिशेसमध्ये मुर्ग लाजवाब, मुर्ग पेशावरी तसेच येथील शेफ्सच्या संकल्पनेतून साकारलेला अंबाडे का मुर्ग हा प्रकार विशेष आहे. अंबाड्याच्या भाजीत चिकन मिक्स करून हा पदार्थ सर्व्ह केला जातो. चायनीजमधील लाल रंगाचा सॉस आणि चिकन क्यूब असणारा सोपा राईस खवय्यांच्या पसंतीस उतरल्याची माहिती तंदूर चिलीच्या नीलेश शिरोडकर यांनी 'मटा'शी बोलताना दिली.
शाकाहारींसाठी पनीर, मशरूम कबाब, अतिशे आलू, नवाबी सब शीग आदी पदार्थ तंदूर चिलीत हिट असून गोडधोड खाणाऱ्यांसाठी येथील शाही तुकडा, हनी फ्राय न्युडल्स, फिरनी तसेच मिनी फालुदाही सुपरहिट आहे. विशेष म्हणजे, ओपन कीचन असलेल्या तंदूर चिलीमध्ये किचन स्टाफकडून बनवल्या जाणाऱ्या पदार्थानाकडे पाहूनच खवय्यांच्या तोंडाला पाणी सुटतं, हेही तितकच खरं आहे.