ओव्याच्या पानांची भजी रेसिपी

पावसाळा सुरू झाला की घराघरांत गरमागरम भज्यांचा बेत आखला जातो. कांदा, बटाटा, कोबीची भजी खाऊन कंटाळा आला आहे का? तर मग आपण ओव्याच्या पानांची भजी (Ovyachi Bhaji) कशी तयार करायची, याची रेसिपी जाणून घेऊया. ओव्याच्या पानांमध्ये मोठ्या प्रमाणात औषधी गुणधर्मांचा साठा असतो. सर्दी-खोकला, कफ इत्यादी समस्यांवर घरगुती उपाय म्हणून ओव्याच्या पानांचा उपयोग केला जातो. आयुर्वेदिक औषधोपचाराप्रमाणेच काही जण या पानांचा स्वयंपाकामध्येही समावेश करतात. ओव्याच्या पानांपासून तयार केलेली भजी देखील चविष्ट तसंच आरोग्यासाठी पौष्टिकही आहे.