बहुपयोगी कढीपत्ता चटणी
सर्वसाधारणपणे कोथिंबीरीबरोबर फुकट मिळणारा, इतकंच कढीपत्त्याचं महत्त्व आपल्याला ठाऊक आहे. पण त्याचं आपल्या आयुष्यात अनन्यसाधारण महत्त्व आहे. कढीपत्ता खाल्ल्याने कोलेस्ट्रॉलवर नियंत्रण राहतं. नियमित कढीपत्ता सेवन केल्याने पचन क्रिया व्यवस्थित राहते. केस गळत असल्यास कढीपत्ता आहारात सामील करावा. यात लोह तत्त्व, कॅल्शियम आणि फॉस्फरस भरपूर प्रमाणात असतं. याचं सेवन केल्याने केस पांढरे होण्याची प्रक्रिया थांबते. म्हणूनच आज मुद्दाम कढीपत्त्याच्या अनोख्या चटणीची रेसिपी देत आहे.
साहित्य : २ वाटी कढीपत्ता, १/२ वाटी अळशी, ३ चमचे भाजलेली जिरे पावडर, १ चमचा लाल तिखट, १/२ चमचा हिंग, चवीनुसार सैंधव मीठ
कृती : सर्वप्रथम कढीपत्त्याची पानं धुऊन कोरडी करून घ्यावीत (शक्यतोवर रात्री धुऊन पंख्या खाली वाळवावीत). एका रुंद फ्राय पॅनमध्ये टप्याटप्याने तीस सेकंद परतवावीत. त्याचप्रमाणे अळशी सुद्धा वेगळी परतून घ्यावी. ह्या दोन्ही गोष्टी थंड झाल्यावर कढीपत्ता, अळशी आणि वरीलप्रमाणे बाकी सर्व साहित्य मिक्सरमध्ये घालून कोरडे वाटून घ्यावेत. झाली पौष्टिक कढीपत्ता चटणी तयार!
ही चटणी हवाबंद डब्यात भरून फ्रिजमध्ये ठेवल्यास किमान दहा ते पंधरा दिवस चांगली टिकते.
या चटणीचा खालीलप्रमाणे वापर करू शकता (किमान दोन चमचे)
- दही किंवा ताकामध्ये मिसळून
- चपाती, भाकरी किंवा थालीपीठाचे पीठ मळताना
- कोशिंबीर किंवा सलाडमध्ये
- महेश सरोदे, गोरेगाव
सर्वसाधारणपणे कोथिंबीरीबरोबर फुकट मिळणारा, इतकंच कढीपत्त्याचं महत्त्व आपल्याला ठाऊक आहे. पण त्याचं आपल्या आयुष्यात अनन्यसाधारण महत्त्व आहे. कढीपत्ता खाल्ल्याने कोलेस्ट्रॉलवर नियंत्रण राहतं. नियमित कढीपत्ता सेवन केल्याने पचन क्रिया व्यवस्थित राहते. केस गळत असल्यास कढीपत्ता आहारात सामील करावा. यात लोह तत्त्व, कॅल्शियम आणि फॉस्फरस भरपूर प्रमाणात असतं. याचं सेवन केल्याने केस पांढरे होण्याची प्रक्रिया थांबते. म्हणूनच आज मुद्दाम कढीपत्त्याच्या अनोख्या चटणीची रेसिपी देत आहे.
साहित्य : २ वाटी कढीपत्ता, १/२ वाटी अळशी, ३ चमचे भाजलेली जिरे पावडर, १ चमचा लाल तिखट, १/२ चमचा हिंग, चवीनुसार सैंधव मीठ
कृती : सर्वप्रथम कढीपत्त्याची पानं धुऊन कोरडी करून घ्यावीत (शक्यतोवर रात्री धुऊन पंख्या खाली वाळवावीत). एका रुंद फ्राय पॅनमध्ये टप्याटप्याने तीस सेकंद परतवावीत. त्याचप्रमाणे अळशी सुद्धा वेगळी परतून घ्यावी. ह्या दोन्ही गोष्टी थंड झाल्यावर कढीपत्ता, अळशी आणि वरीलप्रमाणे बाकी सर्व साहित्य मिक्सरमध्ये घालून कोरडे वाटून घ्यावेत. झाली पौष्टिक कढीपत्ता चटणी तयार!
ही चटणी हवाबंद डब्यात भरून फ्रिजमध्ये ठेवल्यास किमान दहा ते पंधरा दिवस चांगली टिकते.
या चटणीचा खालीलप्रमाणे वापर करू शकता (किमान दोन चमचे)
- दही किंवा ताकामध्ये मिसळून
- चपाती, भाकरी किंवा थालीपीठाचे पीठ मळताना
- कोशिंबीर किंवा सलाडमध्ये
- महेश सरोदे, गोरेगाव