चटपटीत पालक पत्ता चाट

पालक पत्ता चाट ही एक उत्तर भारतीय रेसिपी आहे. पचन व्यवस्था सुधारण्यासाठी हा स्नॅक्सचा हेल्दी पर्याय आहे. एरव्ही न आवडणारा पालक चाटच्या रूपात मात्र आवडीने खाल्ला जाईल, हे नक्की... मग लगेच ट्राय करा चटपटीत पालक चाट!


साहित्य:
पालक पाने, बेसन, मीठ, मिरपूड, ओवा, गोड दही, चिंचेचा सॉस, हिरवी पुदीना चटणी, शेव



कृती:
१. पालकची ताजी पाने स्वच्छ धुऊन घ्या.
२. पाणी आणि आवश्यकतेनुसार बेसन घालून त्याचे बॅटर तयार करून घ्या.
३. चवीसाठी त्यात थोडे मीठ, मिरपूड घाला.
४. वरून थोडासा ओवा घाला.
५. पालक पाने या बॅटरमध्ये बुडवून चांगली तळून घ्या.
६. तळलेल्या पालक पानांवर वरून गोड दही, चिंचेचा सॉस आणि पुदीना चटणी पसरवा.
७. सजावटीसाठी वरून कुरकुरीत शेव घाला.
८. आणि चटपटीत पालक चाट लगेच सर्व्ह करा.