ब्रेकअप के बाद

हल्लीची तरुणाई ही टीव्ही मालिकांच्या दुनियेत रमण्यापेक्षा वेबसीरिजच्या दुनियेमध्ये रममाण झाली आहे. बरेच मराठी आणि हिंदी यूट्यूब चॅनेल्स सध्या अनेक नवे आणि हटके विषय घेऊन सीरिज बनवत आहेत. सासू-सून यांच्यातील टिपिकल ड्रामा बघण्यापेक्षा वेगळ्या धाटणीचे विषय नवीन पिढीला खूप भावतात. सध्या बिंदास टीव्हीवर सुरू असलेली 'दिल बफरिंग' ही आगळीवेगळी वेबसीरिज मला आवडते.

या वेबसीरिजमध्ये दोन बहिणी आणि त्यांची आई असं तिघींचं एक वेगळं विश्व यात मांडण्यात आलंय. त्यात ऍबीच्या आयुष्यात येणारी मुलं आणि मग त्यांची पुढे त्यांच्यात घडणारी केमिस्ट्री यांची धम्माल दाखवली आहे. मग तिचं होणारं ब्रेकअप आणि त्यानंतर आई व लहान बहिणीनं घातलेली समजूत यांची कमाल कहाणी यात चित्रित झालीय. आवड म्हणून कपकेक बनवणं आणि यातून आपण आपला वेगळा व्यवसाय कसा उभा करू शकतो ही कल्पना दाखवलीय. एखादं स्वप्न सत्यात उतरल्यावर कसा आनंद होतो हे बघणं रंजक ठरतं. खऱ्या प्रेमाच्या शोधात असलेल्या २४ वर्षांच्या मुलीची ही कथा आहे. आता पुढे यात काय होणार आहे याची उत्सुकता मला आहे. प्रेम किती वेगळ्या प्रकारे आपण करू शकतो याचं उत्तम उदाहरण म्हणजे ही वेबसीरिज! अगदी नावाप्रमाणे दिल बफर होतं ही सीरिज बघताना. काहीतरी नवं बघायचं असेल तर हा पर्याय बेस्ट आहे.

कलाकार : आंचल मुंजाल

चॅनेल : बिंदास टीव्ही

एपिसोड : ५ व पुढे चालू

- दीपाली सावंत