उत्कर्ष जोशी, कॉलेज क्लब रिपोर्टर
चंबळचं खोरं म्हटलं की लोकांना लुटणारे, भयानक डाकू आपल्यासमोर येतात. डाकू मंडळींच्या जीवनशैलीबरोबरच त्यांचं खाणं काय असतं हे जाणून घेण्याची उत्सुकता आहे? मग 'डिनर विथ दि डॉन्स' ही वेबसीरिज पाहायला हवी…
"होली कब है, कब है होली" विचारणारा ‘शोले’तला गब्बरसिंग तुम्हाला आठवत असेलच. गब्बरसारख्या अनेक खतरनाक डाकूंनी गेली अनेक वर्ष चंबळच्या खोऱ्यात थैमान घातलं. सर्वसामान्य लोकांपासून दूर राहणारे, जंगलांमध्ये वास्तव्य करणारे हे डाकू काय खात असतील, त्यांचं रोजचं जेवण काय असेल याबद्दल लोकांच्या मनात कुतूहल असतं. हेच कुतूहल शमावणारी एक फूड वेबसीरिज नुकतीच लाँच झाली, जिचं नाव आहे 'डिनर विथ द डॉन्स' !
सध्याच्या वेबसीरिजच्या जमान्यात खूप वेगवेगळ्या विषयांवर भाष्य करणाऱ्या वेबसीरिज लोकांसमोर येत आहेत. '१०१ इंडिया' या चॅनेलनंही या नव्या वेबसीरिजच्या निमित्तानं 'डिनर विथ दि डॉन्स' या इव्हेंटचं आयोजन केलं होतं. चंबळच्या खोऱ्यात ७० आणि ८० च्या दशकात रमेश सिंग सिकरवर या नावाची प्रचंड दहशत होती. १९८४ साली आपल्या ३२ जणांच्या टोळीसह सिकरवार यांनी आत्मसमर्पण केलं. पण तोपर्यंत त्यांच्या नावावर २९ दरोडे , १०० अपहरण आणि ५२ खुनाचे गुन्हे दाखल होते. सध्या ते शेती करत सर्वसामान्य आयुष्य जगत आहेत; मात्र डाकू असताना जंगलांमध्ये ते व त्यांची टोळी कशाप्रकारे गुजराण करत याबद्दलच्या अनेक गोष्टी त्यांनी यावेळी सांगितल्या.
आश्चर्य म्हणजे सिकरवार टोळीचे सदस्य शुद्ध शाकाहारी होते आणि दारूच्या थेंबालाही स्पर्श करण्यास खुद्द सरदार सिकरवार यांचा विरोध होता. 'दाल बाटी आणि पुरी हे त्यावेळी जंगलात आमचं रोजचं खाणं होतं. जेवण शक्य तितकं तिखट बनवलं जाई, जेणेकरून आमचा स्वभाव रागीट राहील !' असं यावेळी सिकरवार यांनी सांगितलं. तिखट जेवणानंतर मिठाईसुदधा खाल्ली जायची, असंही ते म्हणाले.
यावेळी 'डिनर विथ दि कॉप्स' ही नवी वेबसीरिजही लाँच करण्यात आली, ज्याच्या पहिल्या भागाचे नायक आहेत तत्कालीन एन्काऊंटर स्पेशालिस्ट अशोक सिंग भादोरीया. आपल्या कारकिर्दीत भादोरीया यांनी तब्बल ११५ डाकूंना यमसदनी धाडलं आहे. मूळचे ग्वाल्हेरचे असलेले अशोक सिंग यांनीही तेथील खाद्यसंस्कृती बद्दल माहिती दिली. कडकनाथ, मृत संजीवनी सुरा अशा काही अजब पदार्थांची माहिती त्या निमित्ताने खवय्यांना मिळाली.
चंबळचं खोरं म्हटलं की लोकांना लुटणारे, भयानक डाकू आपल्यासमोर येतात. डाकू मंडळींच्या जीवनशैलीबरोबरच त्यांचं खाणं काय असतं हे जाणून घेण्याची उत्सुकता आहे? मग 'डिनर विथ दि डॉन्स' ही वेबसीरिज पाहायला हवी…
"होली कब है, कब है होली" विचारणारा ‘शोले’तला गब्बरसिंग तुम्हाला आठवत असेलच. गब्बरसारख्या अनेक खतरनाक डाकूंनी गेली अनेक वर्ष चंबळच्या खोऱ्यात थैमान घातलं. सर्वसामान्य लोकांपासून दूर राहणारे, जंगलांमध्ये वास्तव्य करणारे हे डाकू काय खात असतील, त्यांचं रोजचं जेवण काय असेल याबद्दल लोकांच्या मनात कुतूहल असतं. हेच कुतूहल शमावणारी एक फूड वेबसीरिज नुकतीच लाँच झाली, जिचं नाव आहे 'डिनर विथ द डॉन्स' !
सध्याच्या वेबसीरिजच्या जमान्यात खूप वेगवेगळ्या विषयांवर भाष्य करणाऱ्या वेबसीरिज लोकांसमोर येत आहेत. '१०१ इंडिया' या चॅनेलनंही या नव्या वेबसीरिजच्या निमित्तानं 'डिनर विथ दि डॉन्स' या इव्हेंटचं आयोजन केलं होतं. चंबळच्या खोऱ्यात ७० आणि ८० च्या दशकात रमेश सिंग सिकरवर या नावाची प्रचंड दहशत होती. १९८४ साली आपल्या ३२ जणांच्या टोळीसह सिकरवार यांनी आत्मसमर्पण केलं. पण तोपर्यंत त्यांच्या नावावर २९ दरोडे , १०० अपहरण आणि ५२ खुनाचे गुन्हे दाखल होते. सध्या ते शेती करत सर्वसामान्य आयुष्य जगत आहेत; मात्र डाकू असताना जंगलांमध्ये ते व त्यांची टोळी कशाप्रकारे गुजराण करत याबद्दलच्या अनेक गोष्टी त्यांनी यावेळी सांगितल्या.
आश्चर्य म्हणजे सिकरवार टोळीचे सदस्य शुद्ध शाकाहारी होते आणि दारूच्या थेंबालाही स्पर्श करण्यास खुद्द सरदार सिकरवार यांचा विरोध होता. 'दाल बाटी आणि पुरी हे त्यावेळी जंगलात आमचं रोजचं खाणं होतं. जेवण शक्य तितकं तिखट बनवलं जाई, जेणेकरून आमचा स्वभाव रागीट राहील !' असं यावेळी सिकरवार यांनी सांगितलं. तिखट जेवणानंतर मिठाईसुदधा खाल्ली जायची, असंही ते म्हणाले.
यावेळी 'डिनर विथ दि कॉप्स' ही नवी वेबसीरिजही लाँच करण्यात आली, ज्याच्या पहिल्या भागाचे नायक आहेत तत्कालीन एन्काऊंटर स्पेशालिस्ट अशोक सिंग भादोरीया. आपल्या कारकिर्दीत भादोरीया यांनी तब्बल ११५ डाकूंना यमसदनी धाडलं आहे. मूळचे ग्वाल्हेरचे असलेले अशोक सिंग यांनीही तेथील खाद्यसंस्कृती बद्दल माहिती दिली. कडकनाथ, मृत संजीवनी सुरा अशा काही अजब पदार्थांची माहिती त्या निमित्ताने खवय्यांना मिळाली.