वृत्तसंस्था, ह्युस्टन
मनाच्या कुठल्या तरी कोपऱ्यात लपलेले काहीतरी अनेकांना सांगायचे असते. सोशल मीडिया त्यासाठी सहज उपलब्धसुद्धा आहे. परंतु ते संबंधितांपर्यंत त्यांच्या भाषेत पोहोचेल, अशी सोय अद्याप तरी हवी तशी उपलब्ध नाही. फेसबुक लवकरच ही अडचण दूर करणार आहे. त्यामुळे फेसबुक युझर्सना आपली पोस्ट जवळपास ४५ भाषांमध्ये शेअर करता येणार आहे.
जगातील सर्वांत मोठी सोशल नेटवर्किंग आणि कोट्यवधी युझर असलेल्या या साइटच्या डेव्हलपरनी ‘मल्टिलिंग्वल कंपोजर’ विकसित केला आहे. याद्वारे युझरला एका भाषेतील पोस्ट अनेक भाषांमध्ये भाषांतरित करण्याची सुविधा मिळणार आहे. फेसबुकचे जवळपास ५० टक्के युझर इंग्रजीव्यतिरिक्त इतर भाषा बोलतात. यातील अनेकांना परस्परांची भाषा बोलता, वाचता येत नाही. त्यांची हीच अडचण दूर करण्याचा प्रयत्न म्हणजे हे ‘मल्टिलिंग्वल कंपोजर’ असल्याचे फेसबुक टीमने त्यांच्या ब्लॉग पोस्टमध्ये नमूद केले आहे. यासंबंधीची चाचणीसुद्धा फेसबुकने सुरू केली आहे. या टेस्ट ग्रुपमधील सदस्य त्यांच्या अकाउंट सेटिंगमध्ये भाषा विभागात जाऊन हा कंपोजर सिलेक्ट करू शकतात.
असा आहे ‘मल्टिलिंग्वल कंपोजर’
यामध्ये युझर एका भाषेत पोस्ट टाइप करून ती अन्य भाषांमध्ये पब्लिश करू शकतो. उदाहरणार्थ, एखादी पोस्ट इंग्रजीत टाइप केली, पण ती फेसबुकवरील स्पॅनिश मित्रासोबत शेअर करायची असल्यास केवळ ‘मल्टिलिंग्वल कंपोजर’मधील स्पॅनिश भाषा सिलेक्ट करायची. मग ती पोस्ट आपोआप स्पॅनिशमध्ये भाषांतरित होईल. अशा प्रकारे एक पोस्ट एकाच वेळी अनेक भाषांमध्ये भाषांतरित करता येणार आहे.
मनाच्या कुठल्या तरी कोपऱ्यात लपलेले काहीतरी अनेकांना सांगायचे असते. सोशल मीडिया त्यासाठी सहज उपलब्धसुद्धा आहे. परंतु ते संबंधितांपर्यंत त्यांच्या भाषेत पोहोचेल, अशी सोय अद्याप तरी हवी तशी उपलब्ध नाही. फेसबुक लवकरच ही अडचण दूर करणार आहे. त्यामुळे फेसबुक युझर्सना आपली पोस्ट जवळपास ४५ भाषांमध्ये शेअर करता येणार आहे.
जगातील सर्वांत मोठी सोशल नेटवर्किंग आणि कोट्यवधी युझर असलेल्या या साइटच्या डेव्हलपरनी ‘मल्टिलिंग्वल कंपोजर’ विकसित केला आहे. याद्वारे युझरला एका भाषेतील पोस्ट अनेक भाषांमध्ये भाषांतरित करण्याची सुविधा मिळणार आहे. फेसबुकचे जवळपास ५० टक्के युझर इंग्रजीव्यतिरिक्त इतर भाषा बोलतात. यातील अनेकांना परस्परांची भाषा बोलता, वाचता येत नाही. त्यांची हीच अडचण दूर करण्याचा प्रयत्न म्हणजे हे ‘मल्टिलिंग्वल कंपोजर’ असल्याचे फेसबुक टीमने त्यांच्या ब्लॉग पोस्टमध्ये नमूद केले आहे. यासंबंधीची चाचणीसुद्धा फेसबुकने सुरू केली आहे. या टेस्ट ग्रुपमधील सदस्य त्यांच्या अकाउंट सेटिंगमध्ये भाषा विभागात जाऊन हा कंपोजर सिलेक्ट करू शकतात.
असा आहे ‘मल्टिलिंग्वल कंपोजर’
यामध्ये युझर एका भाषेत पोस्ट टाइप करून ती अन्य भाषांमध्ये पब्लिश करू शकतो. उदाहरणार्थ, एखादी पोस्ट इंग्रजीत टाइप केली, पण ती फेसबुकवरील स्पॅनिश मित्रासोबत शेअर करायची असल्यास केवळ ‘मल्टिलिंग्वल कंपोजर’मधील स्पॅनिश भाषा सिलेक्ट करायची. मग ती पोस्ट आपोआप स्पॅनिशमध्ये भाषांतरित होईल. अशा प्रकारे एक पोस्ट एकाच वेळी अनेक भाषांमध्ये भाषांतरित करता येणार आहे.