मुंबई :
डुडलच्या माध्यमातून गुगल सतत काहीतरी वेगळे प्रयोग करत असतं. गुगलचं आजचं डुडल एलजीबीटीक्यू+ समुदायाकडून देशभर साजऱ्या करण्यात येणाऱ्या 'प्राइड परेड'च्या थीमवर साकारण्यात आलं आहे. प्राइड परेडचा ५० वर्षांचा प्रवास उलगडून दाखवण्याचा प्रयत्न या माध्यमातून करण्यात आला आहे.
न्यूयॉर्क शहरातील 'ग्रीनविच व्हिलेज' येथील 'स्टोनवॉल इन' या बारमधून, ५० वर्षांपूर्वी जून महिन्याच्या अखेरीस, समलैंगिक लोकांना झालेली अटक आणि त्यांच्या मानहानी विरोधात एलजीबीटीक्यू+ समुदायाकडून दरवर्षी जून महिन्यात 'प्राइड परेड' काढली जाते. गुगलच्या आजच्या डुडलनं 'त्या' परेडच्या आठवणी जिवंत केल्या आहेत.
गेल्या ५० वर्षांचा काळ डुडलच्या माध्यमातून उलगडण्यात आला आहे. एलजीबीटीक्यू+ प्राइड परेडचे १०-१० वर्षांनी बदलत जाणारे स्वरूप या डुडलमध्ये चितारण्यात आलं आहे. एलजीबीटीक्यू+ समुदायाचं प्रतिक म्हणून वापरल्या जाणाऱ्या बहुरंगांचा वापर करत चित्रकार नेट स्वाइनहार्ट यांनी हे डुडल तयार केलंय.
समलैंगिक समुदायाचे हक्क आणि अधिकारांच्या मागणीचं प्रतिक म्हणून या परेडकडे पाहिलं जातं. या परेडमध्ये एलजीबीटीक्यू+ लोक त्यांच्या अस्तित्वाचा अभिमान बाळगत उत्सव साजरा करतात. जगभरात ठिकठिकाणी अशा यात्रांचं आयोजन केलं जात असलं, तरी यंदाची न्यूयॉर्क येथील परेड आकर्षणाचा विषय ठरली आहे.
डुडलच्या माध्यमातून गुगल सतत काहीतरी वेगळे प्रयोग करत असतं. गुगलचं आजचं डुडल एलजीबीटीक्यू+ समुदायाकडून देशभर साजऱ्या करण्यात येणाऱ्या 'प्राइड परेड'च्या थीमवर साकारण्यात आलं आहे. प्राइड परेडचा ५० वर्षांचा प्रवास उलगडून दाखवण्याचा प्रयत्न या माध्यमातून करण्यात आला आहे.
न्यूयॉर्क शहरातील 'ग्रीनविच व्हिलेज' येथील 'स्टोनवॉल इन' या बारमधून, ५० वर्षांपूर्वी जून महिन्याच्या अखेरीस, समलैंगिक लोकांना झालेली अटक आणि त्यांच्या मानहानी विरोधात एलजीबीटीक्यू+ समुदायाकडून दरवर्षी जून महिन्यात 'प्राइड परेड' काढली जाते. गुगलच्या आजच्या डुडलनं 'त्या' परेडच्या आठवणी जिवंत केल्या आहेत.
गेल्या ५० वर्षांचा काळ डुडलच्या माध्यमातून उलगडण्यात आला आहे. एलजीबीटीक्यू+ प्राइड परेडचे १०-१० वर्षांनी बदलत जाणारे स्वरूप या डुडलमध्ये चितारण्यात आलं आहे. एलजीबीटीक्यू+ समुदायाचं प्रतिक म्हणून वापरल्या जाणाऱ्या बहुरंगांचा वापर करत चित्रकार नेट स्वाइनहार्ट यांनी हे डुडल तयार केलंय.
समलैंगिक समुदायाचे हक्क आणि अधिकारांच्या मागणीचं प्रतिक म्हणून या परेडकडे पाहिलं जातं. या परेडमध्ये एलजीबीटीक्यू+ लोक त्यांच्या अस्तित्वाचा अभिमान बाळगत उत्सव साजरा करतात. जगभरात ठिकठिकाणी अशा यात्रांचं आयोजन केलं जात असलं, तरी यंदाची न्यूयॉर्क येथील परेड आकर्षणाचा विषय ठरली आहे.