मोझेला वापरत असला तर ही बातमी वाचाच

मटा ऑनलाइन वृत्त । नवी दिल्ली

मोझिला कंपनीने फायरफॉक्स आणि टोर या त्यांच्या ब्राऊझरसाठी नवीन सिक्युरिटी पॅच लॉन्च केला आहे. जगभरात जिथे जिथे मोझिला युझर्स हा टोर ब्राऊझर वापरून 'लपूनछपून' अनेक गोष्टी नेटवरून ब्राउझ करत होते. त्यांच्या या 'छुप्या' करामती अलिकडेच जगजाहिर व्हायला लागल्या होत्या. परिणामी ही माहिती जगजाहीर करणाऱ्या कोडला ब्लॉक करून युझर्सची माहिती सुरक्षित ठेवण्यासाठी कंपनीने हा पॅच लॉन्च केला आहे. तर सर्व मोझिला युझर्सना यामुळे त्यांचे ब्राउझर अपडेट करावे लागणार आहे.

मोझिलाने बुधवारी हा पॅच लॉन्च केला, ज्यामध्ये फायरफॉक्समधील एका कोडमध्ये असलेली चूक दूर करण्यात आली. या कोडमधील गोंधळामुळे अनोळखी ब्राउझरसाठी टोर ब्राउझर वापरणाऱ्या युझर्सची माहिती चोरून ती जाहीर केली जात होती.

मोझिलाच्या ओपन सोर्स फायरफॉक्सवर आधारित टॉर ब्राऊझरवर एका वेबपेज अपलोड करण्यात आले होते. जावा स्क्रीप्ट कोडिंग आणि कोड्सवाले हे पान खरे आयपी आणि मॅक पीसीचे अॅड्रेस एका अनोळखी सेंट्रल सर्व्हरवर पाठवत असे.

ओळख लपवून ब्राउझिंग करण्याचा प्रयत्न मोडून कढणारी ही चोरी फक्त फायरफॉक्सचे टोर ब्राउझर वापरणाऱ्या विंडोज सिस्टीमवरूनच व्हायची. मात्र व्हेडझीट या वेबसाईटच्या म्हणण्यानुसार मॅक ओएस आणि लिनक्स असणाऱ्या संगणकांनाही या चोरीचा फटका बसला आहे.

मोझिलाने हा कोड बदलून अपडेटेड व्हर्जन लॉन्च केले असून सर्व मोझिला युझर्सला आपले ब्राउझर वव्हर्जन अपडेट करण्याची सूचना केली आहे.