ट्विटरवर फोटो स्टिकर

लॉस एंजेलिस : फोटो ट्विट करण्यातली गंमत अधिक वाढवण्यासाठी ट्विटरने सोमवारी नवे स्टिकर आणले आहे. ट्विटरवरील फोटोंना अधिक सजीव करण्यासाठी युजर्स ही स्टिकर्स वापरू शकतात.

ट्विटरवर प्रत्यक्ष संवाद साधत असताना हे स्टिकर्स वापरता येतील. त्यासाठी ट्विटरने अक्षरशः शेकडो पर्याय उपलब्ध करून दिले आहेत. त्यात अॅक्सेसरीज, ईमोजी आणि प्रॉप्सचा समावेश आहे. एका वेळी एकापेक्षा अधिक ​स्टिकरही वापरता येतील. त्यांचा आकार वाढवता येईल किंवा तुमच्या फोटोवर हव्या त्या ठिकाणी ती फिरवताही येतील.

आयफोन आणि अँड्रॉइड फोनवर काही आठवड्यांतच हा पर्याय उपलब्ध होऊ शकेल. Twitter.com. #Stickers या ठिकाणी जाऊन याविषयी अधिक माहिती घेता येईल.