रेडमीचा स्मार्ट टीव्ही लवकरच बाजारात येतोय!

नवी दिल्लीः शाओमी कंपनीने सब-ब्रॅंड रेडमी स्मार्टफोन बाजारात आणल्यानंतर आता रेडमीचा स्मार्ट टीव्ही बाजारात येतोय. रेडमीने २९ ऑगस्ट रोजी पहिला स्मार्ट टिव्ही बाजारात आणणार असल्याची अधिकृत घोषणा केली आहे. शाओमीचे सीईओ ली जून यांनी चिनी सोशल नेटवर्क प्लॅटफॉर्म weibo यावर रेडमी टीव्हीचे पोस्टर लॉंच केले आहे. याव्यतिरिक्त कंपनीने टेलिव्हिजन व्यवसायासाठी सोशल मीडियाचे पेजही तयार केले आहे.

शाओमीचे सीईओ यांनी चिनी सोशल नेटवर्कवर या स्मार्ट टीव्हीबद्दल माहिती दिली आहे. हा स्मार्ट टीव्ही २९ ऑगस्ट रोजी चीनमध्ये लॉंच करण्यात येणार असून हा स्मार्ट टीव्ही ७० इंचाचा असणार आहे. टेलिव्हिजनच्या ब्रॅंड नावाबद्दल किंवा आकाराबद्दल अजूनही पूरेपूर माहिती मिळाली नाही. एका वृत्ताच्या माहितीनुसार, या स्मार्ट टीव्हीत एचडीआर१० आणि डॉल्बी व्हिजनला सपॉर्ट करणारे फीचरही असू शकतात.


रेडमी नोट ८ स्मार्टफोन याआधी शाओमी कंपनीचे उपाध्यक्ष आणि रेडमीचे जनरल मॅनेजर लू वीबिंग यांनी चिनी सोशल नेटवर्कवर 'रेडमी नोट ८' या स्मार्टफोनचा उल्लेख केला होता. या स्मार्टफोनचा कॅमेरा ६४ मेगापिक्सल असू शकतो. तसेच शाओमीचा ६४ मेगापिक्सल कॅमेराबरोबर हा रेडमी स्मार्टफोन ऑक्टोबर-डिसेंबर महिन्या दरम्यान भारतात लॉंच होण्याची शक्यता आहे.