युट्यूब फॅनफेस्ट ‘ऑनलाइन’; यंदा पबजी मोबाइल स्टार्सचाही समावेश

मुंबई टाइम्स टीम

दरवर्षी होणाऱ्या युट्यूब फॅनफेस्टकडे जगभरातील तरुणांचं लक्ष लागून राहिलेलं असतं. आवडत्या युट्यूबर्सची सादरीकरणं बघण्याची, त्यांचे मतं-विचार ऐकण्याची संधी या फेस्टमुळे मिळते. यंदा करोनाच्या पार्श्वभूमीवर सगळेच कार्यक्रम बंद आहेत. पण, युट्यूब फॅनफेस्ट ऑनलाइन पार पडणार आहे. यंदा ११ ऑक्टोबरला होणाऱ्या या फेस्टमध्ये पहिल्यांदा प्रसिद्ध पबजी मोबाइल स्टार्सना आमंत्रण देण्यात आलं आहे. तसंच भारतीय युट्यूबर्ससह आंतरराष्ट्रीय स्तरावरील लोकप्रिय युट्यूबर्सही चाहत्यांशी संवाद साधतील. यामध्ये मोस्टली सेन, बी युनिक, फ्लाइंग बिस्ट, निखिल शर्मा, टेक्नॉलॉजी गुरुजी यासारख्या अनेक प्रसिद्ध भारतीय युट्यूबर्सचा समावेश आहे. भारतात फॅनफेस्टचं लाइव्ह प्रसारण किती वाजता होईल हे लवकरच जाहीर करण्यात येणार आहे. युट्यूबप्रेमींना याची उत्सुकता लागून राहिली आहे.