यूट्युबवरील जाहिरातींची कटकट संपणार

मटा ऑनलाइन वृत्त। दिल्ली

तमाम यूट्युब युजर्ससाठी दिलासादायक गोष्ट आहे. आता यूट्यूबवर व्हिडीओ पाहताना सुरूवातीलाच येणाऱ्या जाहिरातींचा त्रास आता होणार नाही. यूट्युबवर एखादा व्हिडीओ पाहायचा असल्यास त्यापूर्वी ३० सेकंदाची जाहिरात जबरदस्तीने पाहावी लागते. या जाहिरातींच्या त्रासातून लवकरच सुटका होणार आहे.

यूट्यूबवर व्हिडीओ पाहताना युजर्सना ३० सेकंदांच्या जाहिरातीचा व्हिडीओ पाहावा लागतो.तरच आपल्याला हवा तो व्हिडीओ पाहता येतो. काही वेळा जाहिरातीचा व्हिडीओ स्किप करण्याचा म्हणजेच वगळण्याचा पर्याय असतो तर अनेकदा हा जाहिरातीचा व्हिडीओ जबरदस्तीने पाहावा लागतो.

आपल्याला हवा तो व्हिडीओ पाहण्यासाठी ३० सेकंदांच्या जाहिरीतीचा व्हिडीओ जबरदस्तीने पाहणे हे यूट्यूब युसर्जना कंटाळवाणे वाटत असे.त्यामुळे यूट्युब युजर्संना दिलासा देण्यासाठी यूट्युबने या जाहिराती हटवण्याचा निर्णय घेतला आहे. युट्युबला या जाहिरातींमार्फत मोठ्या प्रमाणात आर्थिक नफा होतो. साहजिकच, या निर्णयामुळे त्यांचे आर्थिक नुकसान होणार आहे.

युजर्संना होणारा त्रास लक्षात घेता व कंपनीला होणारा तोटा भरुन काढण्यासाठी यूट्युबकडून अन्य पर्यायांचा विचार केला जात आहे. ३० सेकंदांऐवजी आता २० सेकंदाच्या जाहिरातीचा विचार केला जात आहे. तसेच ज्यांना यूट्यूबवर जाहिराती पाहणं पसंत नाही, त्यांच्यासाठी यूट्यूबची प्रीमियम योजना आहे. दरम्यान, ही योजना सध्या काही निवडक देशांमध्येच उपलब्ध असून ज्यासाठी बराच पैसा खर्च करावा लागतो.