JioPhone
Reliance Jio च्या JioPhone ची किंमत २ हजार रुपयांपेक्षा कमी किंमतीतील शानदार फोन आहे. जिओफोन २ वर्षांच्या मोफत अनलिमिटेड वॉइस कॉलिंगसह फक्त १,९९९ रुपयात उपलब्ध आहे. या फोनमध्ये २.४ इंच टीएफटी डिस्प्ले, ड्यूल कोर एआरएम कोर्टेक्स प्रोसेसरसह ५१२ एमबी रॅम आणि ४ जीबी इंटर्नल स्टोरेज मिळतो. फोनमध्ये फोटोग्राफीसाठी एक फ्रंट आणि बॅक कॅमेरा दिला आहे. दोन्ही ०.३ मेगापिक्सल शूटर कॅमेरा आहे. यात १,५००० एमएएचची दमदार बॅटरी मिळते.
Moto A70
मोटोरोलाच्या Moto A70 फीचर फोनची किंमत १,९९९ रुपये आहे. या फोनला तुम्ही फ्लिपकार्टवरून खरेदी करू शकता. यामध्ये ४ जीबी रॅम आणि ४ एमबी स्टोरेज दिले आहे. मायक्रोएसडी कार्डच्या मदतीने स्टोरेजला ३२ जीबी पर्यंत वाढवू शकता. फोनमध्ये १,७५० एमएएचची रिमूव्हेबल बॅटरी दिली आहे. Moto A70 फीचर फोन २.४ इंच TFT डिस्प्लेसह येतो. फोटोग्राफीसाठी यात एलईडी फ्लॅशसोबत ०.३ मेगापिक्सलचा रियर कॅमेरा दिला आहे.
Nokia 150
Nokia 150 फीचर फोनची किंमत २ हजार रुपये आहे. या फोनला तुम्ही फ्लिपकार्टवरून स्वस्तात खरेदी करू शकता. फोनमध्ये ४ एमबी रॅम आणि ४ एमबी इंटर्नल स्टोरेज दिले आहे. स्टोरेजला मायक्रोएसडी कार्डच्या मदतीने ३२ जीबीपर्यंत वाढू शकता. फोटोग्राफीसाठी यात रियरला ०.३ मेगापिक्सल कॅमेरा दिला आहे. यात २.४ इंच डिस्प्ले मिळतो. Nokia 150 फोनमध्ये पॉवरसाठी मायक्रो-यूएसबी चार्जिंगसह १,०२० एमएएचची रिमूव्हेबल बॅटरी मिळते.
Micromax X756
Micromax X756 ची किंमत फक्त १,७९५ रुपये आहे. फोनमध्ये २.४ इंच डिस्प्ले मिळतो. यामध्ये ३००० एमएएचची रिमूव्हेबल बॅटरी आणि फ्लॅशसह ०.३ मेगापिक्सल कॅमेरा मिळतो. फोनमध्ये ड्यूल सिम सपोर्ट दिला आहे.
Nokia 110
कंपनीच्या वेबसाइटवर हा फोन फक्त १,५९९ रुपयात उपलब्ध आहे. यात १.७७ इंच डिस्प्ले दिला असून, यात ३२ जीबीपर्यंत इंटर्नल स्टोरेज मिळते. यात ८०० एमएएचची दमदार बॅटरी दिली असून, जी सिंगल चार्जमध्ये १४ तास टिकते. यामध्ये रियर कॅमेरा देखील दिला आहे.