मटा ऑनलाइन वृत्त । नवी दिल्ली
संवाद विश्वात क्रांती घडवणाऱ्या 'व्हॉट्सअॅप'नं आपल्या युजर्ससाठी व्हिडीओ कॉलिंग सुविधा सुरू करताच हॅकर्स व स्पॅमर्सनी या सुविधेचा ताबा घेतला आहे. एक बोगस वेबसाइट सुरू करून या स्पॅमर्सनी व्हॉट्सअॅप युजर्सना लक्ष्य करणं सुरू केलं आहे.
व्हिडीओ कॉलिंग सुविधा सुरू झाल्यापासून अनेकांच्या व्हॉट्सअॅपवर एका बोगस वेबसाइटशी संबंधित लिंक धडकत आहेत. युजरनं त्या लिंकवर क्लिक करताच तो एका वेबपेजवर जाऊन पोहोचतो. तिथं त्याला एक फिचर अॅक्टिव्ह करण्यास सांगितलं जातं. 'इथं क्लिक करून आपण व्हॉट्सअॅप व्हिडीओ कॉलिंगचा आनंद घेऊ शकता. फक्त निमंत्रित युजर्सनाच हे करता येईल'' असा संदेश या वेबपेजवर दिसतो. युजरनं या संदेशावर क्लिक करताच तो एका वेबसाइटवर जाऊन पोहोचतो. अत्यंत हुशारीनं बनविलेली ही वेबसाइट प्रत्यक्षात बोगस असल्याचं भल्याभल्यांच्या लक्षात येत नाही. जेव्हा युजर या वेबसाइटवर क्लिक करतो, तेव्हा तो पुन्हा एका नव्या पेजवर जातो. जिथं व्हेरिफिकेशनची गरज असते. व्हॉट्सअॅप व्हिडीओ कॉलिंग सुरू करण्यासाठी या वेबसाइटची लिंक आपल्या आणखी चार मित्रांना पाठवा, असं सांगितलं जातं. जसजसा युजर पुढं-पुढं क्लिक करत जातो, तसा तो हॅकरच्या जाळ्यात अडकत जातो.
व्हिडीओ कॉलिंग सुविधा कशी मिळवाल!
कोणत्याही हॅकरच्या किंवा स्पॅमरच्या जाळ्यात न अडकता आपल्याला व्हॉट्सअॅप व्हिडीओ कॉलिंग सुविधा सुरू करता येते. त्यासाठी गुगल प्ले स्टोअर किंवा अॅपल स्टोअर या अॅपवर जाऊन व्हॉट्सअॅप अपडेट करावं. अॅप अपडेट होताच व्हिडीओ कॉलिंग सुविधा आपोआप सुरू होते.
संवाद विश्वात क्रांती घडवणाऱ्या 'व्हॉट्सअॅप'नं आपल्या युजर्ससाठी व्हिडीओ कॉलिंग सुविधा सुरू करताच हॅकर्स व स्पॅमर्सनी या सुविधेचा ताबा घेतला आहे. एक बोगस वेबसाइट सुरू करून या स्पॅमर्सनी व्हॉट्सअॅप युजर्सना लक्ष्य करणं सुरू केलं आहे.
व्हिडीओ कॉलिंग सुविधा सुरू झाल्यापासून अनेकांच्या व्हॉट्सअॅपवर एका बोगस वेबसाइटशी संबंधित लिंक धडकत आहेत. युजरनं त्या लिंकवर क्लिक करताच तो एका वेबपेजवर जाऊन पोहोचतो. तिथं त्याला एक फिचर अॅक्टिव्ह करण्यास सांगितलं जातं. 'इथं क्लिक करून आपण व्हॉट्सअॅप व्हिडीओ कॉलिंगचा आनंद घेऊ शकता. फक्त निमंत्रित युजर्सनाच हे करता येईल'' असा संदेश या वेबपेजवर दिसतो. युजरनं या संदेशावर क्लिक करताच तो एका वेबसाइटवर जाऊन पोहोचतो. अत्यंत हुशारीनं बनविलेली ही वेबसाइट प्रत्यक्षात बोगस असल्याचं भल्याभल्यांच्या लक्षात येत नाही. जेव्हा युजर या वेबसाइटवर क्लिक करतो, तेव्हा तो पुन्हा एका नव्या पेजवर जातो. जिथं व्हेरिफिकेशनची गरज असते. व्हॉट्सअॅप व्हिडीओ कॉलिंग सुरू करण्यासाठी या वेबसाइटची लिंक आपल्या आणखी चार मित्रांना पाठवा, असं सांगितलं जातं. जसजसा युजर पुढं-पुढं क्लिक करत जातो, तसा तो हॅकरच्या जाळ्यात अडकत जातो.
व्हिडीओ कॉलिंग सुविधा कशी मिळवाल!
कोणत्याही हॅकरच्या किंवा स्पॅमरच्या जाळ्यात न अडकता आपल्याला व्हॉट्सअॅप व्हिडीओ कॉलिंग सुविधा सुरू करता येते. त्यासाठी गुगल प्ले स्टोअर किंवा अॅपल स्टोअर या अॅपवर जाऊन व्हॉट्सअॅप अपडेट करावं. अॅप अपडेट होताच व्हिडीओ कॉलिंग सुविधा आपोआप सुरू होते.