नवीन फिचर्ससहीत भीम अॅप झाले अपडेट

मटा ऑनलाइन वृत्त । मुंबई

मागील महिन्यात नॅशनल पेमेंट्स कॉर्पोरेशन ऑफ इंडियाद्वारे (UPI) यूनिफाइड पेमेंट इंटरफेस वर आधारित ऑनलाइन आणि डिजिटल व्यवहारांसाठी तयार करण्यात आलेले 'भीम' (BHIM) अॅप लॉन्च करण्यात आले होते. या अॅपला नागरिकांनी चांगलाच प्रतिसाद दिला आहे. अॅप लाँच केल्यानंतर दहा दिवसांतच डाउनलोडिंगची संख्या दहा लाखांवर गेली होती .त्यामुळे भीम अॅपचे अपडेटेड म्हणजेच विकसीत वर्जन नुकतचं लॉन्च करण्यात आलं . या अपडेटेड वर्जनमधये काही नवीन फिचर्सचा समावेश करण्यात आला असून ज्या काही त्रृटी होत्या त्यांमध्ये सुधारणा करण्यात आल्या आहेत.

एनसीपीआय च्या वतीने जारी केलेल्या प्रसिद्धी पत्रकात विकसीत नवीन वर्जन बद्दल माहिती सांगीतली आहे. अॅप लॉन्च झाले तेव्हा फक्त हिंदी आणि इंग्लिश या दोन भाषांचा समावेश होता. भीम अॅपचे १.२ वर्जन आता आणखी ७ भाषेत उपलब्ध होणार आहे. बंगाली, कन्नड़, गुजराती, मल्याळी, उड़िया, तामीळ आणि तेलुगू या भाषांचा भीम अॅपमध्ये समावेश करण्यात आला आहे


यामुळे यूजर्स आपल्या बॅंक अकाउंट सोबत आधार नंबर लिंक करून पैसे ट्रांसफर करू शकतात . याव्यतीरिक्त स्पॅम रिपोर्ट फीचरचा नव्याने समावेश करण्यात आला आहे ज्यामध्ये पैशांसाठी रिक्वेस्ट करणाऱ्या अनोळखी लोकांना ब्लॉक केले जाऊ शतके. एनसीपीआय ने इंप्रूव्ड कस्टमर रीड्रेसल मॅकॅनिजम देखील समाविष्ट करण्यात आले आहे.

इतर महत्वाचे फिचर्सही अपडेट करण्यात आले आहेत त्या प्रामुख्याने प्रायव्हसी सेटींग , ड्युअल-सिम स्मार्टफोनवर सिम निवड्याचा पर्याय , पासवर्ड विसरला असेल तर रिस्टोअर करता येईल तसेच बँकेला अडचणी सांगणे व घेतलेले पेमेंट परत करणे या सुविधाही दिल्या गेल्या आहेत.