नवी दिल्ली: सध्याच्या काळात व्हॉट्स अॅपची चांगलीच चलती आहे. खासगी, व्यावसायिक कामासाठी व्हॉट्स अॅपचा वापर होऊ लागला आहे. त्यामुळे एखाद्या युजर्सला व्हॉट्स अॅप क्रमांक बदलणे अडचणीचे ठरते. नंबर बदलामुळे डेटा डिलीट होण्याची भिती अनेकांना वाटते. डेटा डिलीट न करता व्हॉट्स अॅप क्रमांक तु्म्ही बदलू शकता.
व्हॉट्स अॅपने दोन वर्षांपूर्वी हे नवीन फिचर लाँच केले होते. व्हॉट्स अॅपशी लिंक असलेला आपला फोन क्रमांक तुम्ही बदलू शकता आणि तुमचा डेटा ही सुरक्षित राहू शकतो. याशिवाय तुमच्या संपर्क क्रमांक यादीतील एकाला नवीन नंबरची माहिती मिळेल. तुम्हाला त्यांना वैयक्तिक संपर्क करण्याची आवश्यकता नाही. तुम्ही तुमचे कॉन्टॅक्ट्स ही कस्टमाइज करू शकता.
असा बदला तुमचा व्हॉट्स अॅप नंबर
- मेनूमध्ये जाऊन तुमचा व्हॉट्स अॅप नंबर व्हेरिफाइड आहे की नाही याची खातरजमा करा
- प्रोफाइल फोटोवर व्हेरिफिकेशनसाठी क्लिक करा
- आता व्हॉट्स अॅप सुरू करुन मेनू बटणावर क्लिक करा
- सेटिंग्सवर क्लिक करुन अकाउंटमध्ये जा
- चेंज नंबर पर्यायावर क्लिक करा
- अप्पर बॉक्समध्ये जुना फोन क्रमांक नमूद करा
- लोअर बॉक्समध्ये नवीन फोन क्रमांक नमूद करा
- Done पर्यायावर क्लिक करा
ही प्रक्रिया पूर्ण झाल्यानंतर तुमचा नंबर व्हेरिफाइड होईल. व्हेरिफिकेशन नंतर तुम्ही नवीन फोन नंबरवरुन व्हॉट्स अॅप अकाउंट वापरू शकता आणि तुमचा जुना डेटा तसाच कायम राहील.