आता फेसबुकमधूनही हिस्ट्री डिलिट करता येणार

नवी दिल्ली: दोन वर्षापूर्वी फेसबुकने ब्राऊजिंग हिस्ट्री डिलिट करण्याचं ऑप्शन यूजर्सला देण्याची घोषणा केली होती. त्याची प्रत्यक्ष अंमलबजावणी सुरू झाली असून आता यूजर्संना फेसबुकमधील हिस्ट्री क्लिअर करता येणार आहे. त्यासाठी यूजर्सना एक प्रोसेस पूर्ण करावी लागणार आहे.

तब्बल दोन वर्षांच्या प्रयत्नानंतर फेसबुकने off-facebook activityचा पर्याय दिला आहे. काही देशांमध्ये फेसबुकने तिथल्या यूजर्ससाठी यापूर्वीच हा पर्याय दिला आहे. तुम्ही जर फेसबुकवर असाल तर तुमच्यासाठी हे ऑप्शन अत्यंत महत्त्वाचं ठरणार आहे. या पर्यायामुळे काही वारंवार येणाऱ्या जाहिरातींपासूनही तुमची सुटका होणार आहे. विशेष म्हणजे हे नवं फिचर वापरण्यासही सोप्पं आहे.

टिकटॉकला टक्कर देणार गुगलचं 'हे' अॅप

फेसबुकवर गेल्यावर फेसबुक सेटिंग्जमध्ये जा. तिथे तुम्हाला एक लिस्ट मिळेल. त्यात अकाऊंट सेटिंग्ज, सेक्युरिटी सेटिंग्ज, प्रायव्हसी आणि फेसबुक इन्फॉर्मेशन कॅटेगरी दिसेल. त्यानंतर तुम्ही your facebook information मध्ये जा. तिथे तुम्हाला off-facebook activityचा पर्याय मिळेल. त्यावर टॅप केल्यास तुम्हाला अनेक पर्याय मिळतील. त्यात फेसबुकवर तुम्ही शेअर करत असलेल्या अॅक्टिव्हिटी दाखवणारे अॅप्स सर्वात वरती दिसेल. साधारणपणे बिझनेस आणि इतर कंपन्यांची हे अॅप्स असतात. त्यानंतर off-facebook activityवर क्लिक केल्यानंतर तुम्हाला हिस्ट्री क्लिअर करण्याचं ऑप्शन दिसेल. त्याला टॅप केल्यानंतर तुमच्या फेसबुकवरील नको तो डाटा डिलिट होईल. मात्र हा डाटा क्लिअर झाल्यानंतरही इतर कंपन्या तुम्हाला डाटा पाठवतच राहतील. त्यामुळे तुम्हाला फेसबुकवर off-facebook activityवर जाऊन हा डाटा वारंवार क्लिअर करावा लागणार आहे.

व्हॉट्सअॅपचे 'हे' ५ नवे दमदार फीचर लवकरच

रात्री फोटोग्राफीसाठी 'या' फोनमधील कॅमेरा बेस्ट