अँड्रॉईड युजर्ससाठी गुगलचं 'पॅनिक बटन'

मटा ऑनलाइन वृत्त । मुंबई

अँड्रॉइड युजर्सला सर्वात जास्त त्रास असतो तो म्हणजे नको असलेल्या त्रासदायक अॅप्सचा. या त्रासापासून युजर्सची सुटका करण्यासाठी गुगल अनेक दिवसांपासून पर्यायांच्या शोधात होतं. अखेर गुगलनं यासाठी 'पॅनिक मोड' लॉन्च केला आहे. यामुळं त्रासदायक अॅप्सपासून अँड्रॉईड युजर्सची सुटका होणार आहे.

'पॅनिक मोड' तुमच्या अँड्रॉइड फोनच्या बॅकग्राउंडमध्ये काम करेल. नको असलेलं एखादं अॅप चुकून ओपन झाल्यास त्यातून बाहेर पडण्यास या पॅनिक मोडची मदत होणार आहे. यासाठी तुम्हाला अनेकदा बॅक बटन दाबावं लागणार आहे. यानंतर अँड्रॉइड या अॅपला ओवरराइड करेल व त्यानंतर तुम्ही ते अॅप अनइन्स्टॉल करू शकता.

गुगलनं या फीचरची अधिकृत घोषणा केली नाहीए. सध्यातरी हे फीचर अँड्रॉइड नुगा ७.१ मध्ये उपलब्ध आहे. पण काही दिवसांतच येणाऱ्या प्रत्येक अँड्रॉइड व्हर्जनमध्ये या पॅनिक मोडचं डिफॉल्ट फिचर असू शकतं.