ॲन्ड्रॉईड युजर्सवर Damm मालवेअर व्हायरसचा धोका, सरकारनं जारी केला अलर्ट

नवी दिल्ली : CERT-IN Warns About Malware : आयओएस अर्थात ॲपल फोन्सच्या तुलनेत ॲन्ड्रॉईड फोन्समध्ये सिक्योरिटी तितकी अधिक नाही. याचे कारण ॲन्ड्रॉईडमध्ये युजर्सना जास्त सूट मिळते. म्हणजे कोणतंही ॲप कुठूनही डाऊनलोड करता येतं. पण यामुळे सिक्योरिटीचा धोका निर्माण होत असून आताही भारताच्या सायबर सिक्योरिटी एजन्सी CERT-IN ने एका नव्या मालवेअर Damm च्या धोक्याबद्दल सांगितलं आहे. हा मालवेअर युजर्सचा खाजगी डेटा चोरत असल्याचं म्हटलं असून ॲन्ड्रॉईड युजर्सना याचा धोका आहे. चलातर जाणून घेऊ नेमका धोका काय आहे? आणि यापासून कसं सावध राहता येईल.

किती धोकादायक आहे Damm मालवेअर?
तर भारताच्या सायबर सिक्योरिटी एजन्सी CERT-IN ने जारी केलेल्या मार्गदर्शक सूचनेनुसार हा व्हायरस स्प्रेड करण्यासाठी अनऑथराईज्ड सोर्स आणि थर्ड पार्टी वेबसाईट्सवरुन डाऊनलोड केलेल्या ॲप्समधून हा मालवेअर फोनमध्ये इंजेक्ट होत आहे. विशेष म्हणजे हा अँटिव्हायरस प्रोग्रामलाही बायपास करत असल्याचं समोर आल्यामुळे अधिक धोका वाढला आहे.

या मालवेअरमुळे नेमकं काय होतं?
तर हा Damm मालवेअर डिव्हाईमध्ये पोहचताच सर्वात आधी काय सिक्योरिटी बायपासला चेक करतं त्यातून जर व्हायरस पकडला गेला नाही तर त्यानंतर फोनमधला डेटा थेट चोरी करतं. यामध्ये रिडींग हिस्ट्री, कॉल लॉग, बुकमार्क, एसएमएस चोरी असं सर्व हॅक होतं. तुमच्या फोनचा पासवर्डही या अॅपद्वारे हॅक होतो. ज्यानंतर तुमचा फोन रेकॉर्ड होऊ शकतो, किंवा स्क्रिन कॅप्चर होऊ शकते.

या मालवेअरपासून वाचण्यासाठी काय कराल?
सर्वात आधी म्हणजे कोणतंही ॲप डाऊनलोड करताना तुमच्या फोनच्या अधिकृत प्ले स्टोअरमधूनच डाऊनलोड करा.
कधीही नवीन ॲप किंवा गेम डाऊनलोड करताना युजर रेटिंग आणि रिव्ह्यू चेक करा
कधीही एसएमएस, ईमेल किंवा डीएममधून आलेल्या अनोळखी लिंकद्वारे आलेल्या अनऑथोराईज्ड लिंकवर क्लिक करु नका.
कोणत्याही अनोळखी आणि संशयित लिंक किंवा युआरएलला भेट देऊ नका.
अँटिव्हायरस कायम अपडेटेड ठेवा


वाचा : Smartphone Care : चुकूनही या चुका करू नका, नाहीतर स्मार्टफोन कायमचा होईल खराब