मायक्रोमॅक्सचा 'सेल्फी ३' घ्याच

मटा ऑनलाइन वृत्त । नवी दिल्ली

मायक्रोमॅक्सने जुलै महिन्यात 'सेल्फी २' स्मार्टफोन लाँच केला होता. त्यानंतर बरोबर दोन महिन्याने या कंपनीने सेल्फी सिरीजमधला 'सेल्फी ३' स्मार्टफोन लाँच केला आहे. या फोनचे वैशिष्ट्य म्हणजे फोनमध्ये '१६ मेगापिक्सल' सेल्फी कॅमेऱ्या सोबतच फ्रंट सेल्फी फ्लॅश सुद्धा आहे. त्याचबरोबर सेल्फीचे वाढते वेड बघून कंपनीने ब्युटी मोड सारखे नवीन फिचर्सही सेल्फीप्रेमींसाठी आणले आहे. त्यामुळे सेल्फीची हौस असणाऱ्यांसाठी ऐन नवरात्र उत्सवात मायक्रोमॅक्सने अप्रतिम भेट दिली आहे.

मायक्रोमॅक्सच्या या फोनमध्ये १३ मेगापिक्सल बॅक कॅमेरा आहे. त्याचबरोबर कॅमेऱ्यामध्ये पोर्ट्रेट मोड, एचडीआर मोड, नाइट मोडसारखे पर्याय सुद्धा दिले आहेत. सेल्फी सिरीजमधील या नव्या 'सेल्फी-३'ची किंमत ११,९९९ इतकी असणार आहे.

असा आहे सेल्फी-३

> ५ इंचाचा एचडी डिस्प्ले
> प्रोसेसर 'स्नॅप ड्रॅगन ४३५'
> इंटरनल स्टोरेज मेमरी ३२जीबी, मायक्रो एसडी कार्डच्या मदतीनं मेमरीत वाढ करता येईल.
> बॅटरीची क्षमता ३०००mAH